
Sekretariu Ezekutivu PNDS, Amandio Paulino Gastão Do Rosário De Sousa, halo intervensaun iha atividade Sosializasaun Matadalan Operasaun PNDS.
Sekretariu Ezekutivu PNDS, Amandio Paulino Gastão Do Rosário De Sousa, akompaña husi Diretur Administrasaun ne’ebe reprezenta husi Sekretariu Regional Administrasaun avertura atividades Sosializasaun Matadalan Operasaun PNDS Nivel Munisipal tinan 2025 ne’ebe hala’o iha salaun Administrasaun RAEOA.

Partisipante husi Autoridade Munisipál to’o lideransa Komunitária no sosiedade sivil iha atividade Sosializasaun Matadalan Operasaun PNDS iha RAEOA.
Sekretariu Ezekutivu PNDS iha nia intervensaun hatete objetivu husi Sosializasaun Matadalan Operasaun PNDS tinan 2025, kona ba implementasaun PNDS ba nivel Munisipal no Postu Administrativu hotu, atu nune’e funsionariu servisu PNDS sira partisipa masimu bele konkretiza formasaun ho vontade formal sosializasaun ne’e mós sai matadalan ba funsionariu sira atu nune’e servisu lao tuir matadalan no normas ne’ebé estabelese iha PNDS bele lori progresu ne’ebé pozetivu ba Komunidade sira. liu husi formasaun ne’e bele aumenta funsionariu sira nia konesementu servisu ho responsabilidade hodi lori programa prioridade ba komunidade sira, programa esensial mak hanesan rehabilitasaun Kapela, rezidensia ba professores postu Saude, Sede Aldeia no perfurasaun Bee mós.
Sekretariu Ezekutivu PNDS, apresia ba prezensa Autoridade Munisipál to’o lideransa Komunitária no sosiedade sivil ne’ebé mai partisipa iha Programa Sosializasaun ba Madalan PNDS ne’e, tanba liuhusi matadalan refere PNDS bele aliña ho programa desentralizasaun hodi implementa programa sira tuir Diploma Ministerial 5 ho efetivu no efikas iha baze.
Iha fatin hanesan Diretur Administrasaun ne’ebe reprezenta husi Sekretariu Regional Administrasaun iha Intervensaun hateten, PNDS hanesan programa ne’ebe finansia husi governu hodi implemente nesidade baziku iha teritoriu timor laran tomak ne’ebe hanesan prekupasaun husi komunidade sira laos deit iha RAEOA maibe iha munisipiu sira seluk mos ho atividade Sosializasaun Matadalan Operasaun PNDS ne’e bele melhora servisu PNDS iha nivel suku diak liu tan.
Iha programa sosializasaun ba matadalan PNDS ne’e, iha mós aprezenta manual PNDS nian husi ekipa tékniku no asina mós Akordu Implementasaun Projetu (AIP) no Kontratu Subvensaun Públiku (KSP) entre reprezenta husi Sekretariu Regional Administrasaun ho Prezidente CPR husi suku iha RAEOA.
Sosializasaun Matadalan Operasaun PNDS Nivel Munisipal tinan 2025 ne’e hala’o iha teritoriu timor laran inklui Administrasaun Administrativa Atauro Sosializasaun ne’ebe hala’o iha RAEOA partisipa husi Diretur Obras RAEOA, Administrador Postu inklui Xefe Suku no Xefe Aldeia, Komandante Eskuadra Pante Makassar RAEOA, DSMA, Funsionariu PNDS RAEOA.