Sala maternidade iha suku Tibar, Postu administrativu Bazartete, Munisipiu Liquisa.
Sekretáriu Estadu Dezenvolvimentu Lokál, Mateus W. dos Santos Tallo, ho ekipa halo observasaun direita ba progresu implementasaun projetu husi Programa Nasional Dezenvolvimentu Suku iha suku Tibar Postu Administrativu Bazartete, Munisipiu Liquisa.
Iha atividade observasaun projetu PNDS ne’e ho objetivu atu hare direta projetu sira ne’ebe implementa liu husi Programa Nasional Dezenvolvimentu Suku ba komunidade iha suku refere no hodi hare kondisaun obra sira ne’ebe komunidade sira utiliza.
Sekretáriu Estadu Dezenvolvimentu Lokál, projetu Estensaun Sala Eskola iha suku Lauhata.
Progresu implementasaun projetu ne’ebe SEDL observa maka projetu rehabilitasaun estrada rural (betaun) ne’ebe tama iha Siklus 5-6
ho distansia Metru 983 iha aldeia erago suku leorema ho total orsamento ba implementasaun projetu ne’e $49,000.00.
Alende ne’e mos Sekretáriu Estadu Dezenvolvimentu Lokál halo vizita ba konstrusaun sistema Be’e mos iha aldeia Bazartete suku fatumasi ho total orsamentu $39,500.00 no Estensaun Klinika iha suku tibar, aldeia mausoi ho total orsamentu $44,250.00
Obra ne’ebe ikus SEDL vizita iha suku lauhata aldeia pixu kraik ho tipu projetu Estensaun Sala Eskola ho total Orsamentu $ 39,75.00. vizita terenu ida ne’e akompaña mos husi Prezidenti Autoridade Munisipiu Liquisa, Diretor Servisu Munisipal Apoiu PNDS Luquisa, Administrador Postu Bazartete, tekniku PNDS no Autoridade lokal.
