Ministru Tomás do Rosásrio Cabral, Prezidenti Autoridade Munisipiu Baucau Veneranda Lemos no Maijor-Jeneral João Miranda “Aluc” ofisialmente tesifita ba inagurasaun ponte Bemoris iha Munisipiu Lautem.
Ministeriu Administrasaun Estatal liu husi Ministru Tomás do Rosásrio Cabral ne’ebe akompaña husi Sekretáriu Ezekutivu PNDS Amandio Paulino Gastão do Rosário de Sousa ofisialmente inaugura no asina plaka ba projetu Planu Dezenvolvimentu Integradu Munisipal (PDIM) iha Munisipiu Lautem.
Iha seremonia inagurasaun ne’e Sua Exelénsia Ministru Administrasaun Estatál, husu ba Lautem oan sira tenki servisu hamotuk, atu nune’e Munisipiu bele kompleta ho prosessu avaliasaun ba prienxe kondisaun minimu ne’ebe presiza atu halo tranzisaun ba poder lokal.
Ministru Administrasaun Estatal Tomás do Rosásrio Cabral simbolikamente asina plaka projetu Planu Dezenvolvimentu Integradu Munisipal (PDIM).
Ministru mos hatutan katak Munisipiu sira sei iha sira nia orsamentu rasik no kbi’it atu foti desizaun, sela’e buat hotu-hotu mai husi Governu Sentrál deit “Tempu to’o ona ba povu atu sai nain ba sira nia futuru no lidera sira nia dezenvolvimentu rasik”.
Serimónia Inaugurasaun no asina plaka ne’e simbolikamente hala’o iha Konstrusaun Ponte Bemoris no hetan bensaun husi reverendu Padre José Agosto.
Inaugurasuan no asina plaka ne’e partisipa mos husi Maijor-Jeneral João Miranda “Aluc”, Prezidenti Autoridade Munisipiu Lautém, Baucau, Viqueque no Manatuto, Komandante PNTL Munisipiu Lautém, Xefe Gabinete Ministru ho Xefe Gabinete SEDL, Reprezentante Vise MAE, Diretor Jerál no Nasional MAE, Diretor Servisu Munisipal, Sekretáriu Servisu Munisipal, Administrador Postu Administrativu, Veteranus, Autoridade Lokal, Organizasaun Goveramental, Emprezariu Lokál, Funsionariu, komunidade.
