Serkretariu Ezekutivu no ekipa observa direita irigasaun be’e ne’ebe implementa liu husi PNDS.
Sekretáriu Ezekutivu PNDS, Amandio Paulino Gastão do Rosario de Sousa, hanesan mos kordenador ba ekipa programa Asisténsia Téknika hodi Mellora Prestasaun Servisu iha Administrasaun Lokál iha munsipiu Viqueque halo observasaun direta ba fatin projetu ne’ebe implementa husi PNDS.
Escolar iha ensino Basico 01 Ba’i Metak.
Observasaun ba projetu ne’ebe implementa liu husi Programa Nasional Dezenvolvimentu Suku iha Munsipiu Viqueque mak hanesan fatin merenda Escolar iha ensino Basico 01 Ba’i Metak no fatin be’e irigasaun ba natar alende ne’e mos ekipa sira halo observa ba projetu sira ne’ebe Planu Dezenvolvimentu Integradu Munisipal nian nomo’s projetu audisional balun hanesan Kapela no residensia saude ne’ebe finansia husi PNDS iha suku Builo alende ne’e mos vizita ba Kapela iha suku Uabubu postu Ossu.
Residensia saude ne’ebe finansia husi PNDS.
Alende halo observasaun ba projetu husi PNDS no PDIM Sekretáriu ezekutivu PNDS halo monitorizasaun ba servisu ekipa sira iha terrenu nomo’s observa fatin lixu, fatin rehabilitasaun instalasaun Balkaun Uniko kontinua iha parte lorokraik halo enseramentu ba programa ne’ebe hala’o durante loron tolu iha Munisipiu Viqueque.
Iha enseramentu ne’e Presidente Autoridade Munisipal, Fransisco Cruz Simoes de Gonzaga, agradese ba servisu ekipa sira durante loron tolu hetan buat barak ho materia lubuk ida nebe’e importante ba ami atu bele komprende ami nia knar no responsavel nune’e mos Presidente Autoridade Munisipal la haluha agradese mos ba chefe ekipa Sekretariu PNDS ne’ebe tun direta hodi observa projetu ne’ebe implementa husi PNDS no PDIM alende ne’e mos projetu audisional sira ne’ebe iha Munisipiu Viqueque.
Iha fatin hanesan Sekretáriu Ezekutivu PNDS enkoraza autoridade atu servisu hamutuk nudar maun alin hodi hatuduk katak viqueque mos pronto simu desentralizasaun poder lokal, Sekratariu Ezekutivu mos hatutan saliente katak ohin loron ikus atu insera primeiru hakarak agradese ba PAM ho nia estrutura tomak iha vontade iha protidaun durante loron tolu ita hamutuk koalia ba tema papel ministeriu sentral servisu teritorial ba munisipiu atu lori Governo besik liu ba povo Sekretáriu Ezekutivu hatete resultadu husi ida ne’e sei apresenta bá MAE liu husi relatório final.
