Sekretáriu Ezekutivu PNDS Amandio Paulino Gastão do Rosário de Sousa Avertura Atividade programa Asisténsia Téknika hodi Mellora Prestasaun Servisu iha Administrasaun Lokál, iha munisipiu Viqueque.
Sekretáriu Ezekutivu PNDS Amandio Paulino Gastão do Rosário de Sousa ne’ebe akompaña husi Prezidente Autoridade Munisipal Viqueque, Fransisco Cruz Simoes de Gonzaga Soares halo abertura ba programa Asisténsia Téknika hodi Mellora Prestasaun Servisu iha Administrasaun Lokál. atividade refere hala’o iha salaun Administrasaun Munisípiu Viqueque.
Tema husi atividade ne’e maka “ ”.
Intervensaun husi Prezidente Autoridade Munisipal Viqueque, Fransisco Cruz Simoes de Gonzaga Soares iha avertura programa Asisténsia Téknika hodi Mellora Prestasaun Servisu iha Administrasaun Lokál.
iha soromutu ne’e Prezidente Autoridade Munisipal Viqueque, hateten katak papel Ministeriu sentral liu husi delegasaun servisu teriotorial atu halo Avaliasaun Desenpenho hanesan Avalisaun Minimu Desentralizaun antes hakat ba Poder Lokal ne’ebe ligadu ho Decreitu Lei 84/2023 ne’ebe fo ona tempu ba Munisipiu atu hakat ba PoderbLokal ne’ebe ita agradese ba ekipa ekipa sira hodi aprezenta materia atu nune’e ita bele hato’o prekoupasaun sira.
Iha fatin hanesan Sekretariu Ezekutivu PNDS, Amandio Paulino Gastão do Rosário de Sousa, hanesan mós koordenador ekipa asistensia tekniku konjuntu ba apoiu jestaun munisipiu ba prestasaun servisu estrutura autoridade munisipiu viqueque, iha ninia intervensaun katak iha Decreto lei 84 kintu alterasaun husi Decreto Lei nu 3/2016 Marco hatur ona kompetesia ba Autoridade 12.
Sesaun husu no hatan husi partisipante ba ekipa teknik husi nasional.
Partisipante ne’ebe mai husi liñas Ministerial sira akompaña esplikasaun husi ekipa Nasional.
Sekretariu Ezekutivu PNDS mos hatete Ministerio Administrasaun Estatal iha papel atu fo asistensia tekniku no melloria servisu lokal oinsa bele hakat ba poder lokal atu asegura halao funsaun administrativo estadu nian liu husi ezekuta politika no programa sira governo nian iha nivel lokal hodi bele promove no orienta ekonomiko sosial no liu husi prestasaun bens no servisu publiku iha munisipais. alende ne’e mos iha Munisipio hotu-hotu hahu ohin to’o bainrua ekipa sentral hamutuk ho ita bo’ot sira atu hare servisu sira, tematika ne’ebe prepara husi sentral mai apresenta materia ne’ebe mak liga ba servisus administrasaun lokal.
Alende ne’e mos Sekretariu Ezekutivu PNDS, hato liamenon husi Ministru Administrasaun Estatal ne’ebe fo orientasaun ba Dirijentes Ministériu Administrasaun Estatal atu implementa atividade asisténsisa durante loron tolu iha munisípiu 12 inklui Autoridade Administrativa Ataúro, nune’e Ministériu sentrál bele hetan dadus no informasaun lolos kona-ba difikuldade no obstaklu ne’ebé mak durante ne’e sai hela hanesan bareira iha prosesu implementasaun desentralizasaun instituisional molok hakat ba desentralizasaun territorial.
iha soromotu ne’e ekipa tékniku distribui mós kestionáriu ba Autoridade ho nia estrutura servisu Munisipal Viqueque, hodi responde bazeia ba kompeténsia delegada iha Dekretu Lei 3/2016, 16 Marsu no kinta alterasaun ba Dekretu Lei 84/2023, 23 Novembru, kona-ba “Estatutu Autoridade Munisipal no Grupu Tékniku Interministerial ba Desentralizasaun Administrativa”.
Iha loron ikus ekipa se hala’o monitorizasaun ba Projetu Programa Nasionál Dezenvolvimentu Suku (PNDS) no Planu Dezenvolvimentu Integradu Munisipal (PDIM) iha Munisipiu Viqueque. Iha Serimonia abertura ne’e marka prezensa husi Sekrataris Munisipal, Administrador Posto Lima, Diretur Rekursus Humanus, Diretur/a Liñas iha Munisipiu Viqueque, Xefe Departamento, Acesor no Funsionarius sira.
