Diretora Nasional Monitorizasaun, Avaliasaun no Kapasitasaun, Zelia Freitas da Conceição, ensera formasaun Matadalan PNDS iha INAP, Comoro.
Diretora Nasional Monitorizasaun, Avaliasaun no Kapasitasaun, Zelia Freitas da Conceição ne’ebe reprezenta Sekretáriu Ezekutivu PNDS iha tersa-feira ne’e ensera formasaun MATADALAN PNDS iha salaun INAP, Comoro.
partisipante sira antusiasmu rona aprezentasaun husi formador konaba materia finansas.
atividade formasaun ne’ebe hala’o durante loron tolu ne’e ho objetivu atu intrudus materia no simulasaun, pratika ba partisipante sira konaba mudansa iha matadalan tuir enkuadramentu legal sira, formatu, prosesu estabelese estrutura suku PNDS no selesaun prioridade suku no hadi’a kualidade moris ba komunidade sira iha área rurál liu husi dezenvolvimentu infraestrutura báziku. Ida ne’e halo ho fó podér ba komunidade rasik atu planu, no jere sira nia projetu infraestrutura ki’ik iha suku, hanesan estrada, sistema bee moos, irigasaun, fasilidade saúde no edukasaun.
Partisipante sira halo prateku oinsa prense formatu Finansas.
Iha eseramentu ba Matadalan PNDS ne’e Diretora Nasional Monitorizasaun, Avaliasaun no Kapasitasaun hatete formasaun ne’e ho nia rezultadu atu funsionáriu PNDS kazuais kompleta ona formasaun konaba matadalan implementasaun programa nian, funsionáriu PNDS kazuais no ajente sira iha komprendesaun hanesan konaba matadalan no enkuadramentu legal ba implementasaun programa PNDS no funsionariu sira atu apoiu ba Fasilitador Postu no Ekipa Jestaun Suku sira atu implementa tuir matadalan no prosedimentu.
Ekipa Engeneiru ST-PNDS hala’o pratiku koko halo pratiku iha terenu.
Ekipa Engeneiru ST-PNDS hala’o pratiku koko halo pratiku iha terenu.
Diretora Nasional Monitorizasaun, Avaliasaun no Kapasitasaun mos husu ba funsionariu Sosial, Kontabilista no Teknik atu liu husi formasaun durante
loron tolu ne’ebe funsionariu sira hala’o tena bele sai hanesan buka’e ida no atu garante katak funsionariu sira nia abilidade iha materia ne’ebe hetan teoria no prátiku hodi hala’o
sira-nia knar iha terenu.
Metode ba formasaun ba ekipa sira mak hanesan aprezentasaun materia no simulasaun/pratika, partisipante husi formasaun konjunta ne’e husi funsionariu Sosial, Tekniku no Finansas no funsionariu ajente no kazuais alende ne’e mos fasilitador ba formasaun ne’e husi fasilitador sosial ST-PNDS, ofisial Kontabilista, Enjeneru Nasional inklui parseiru husi PARTISIPA.
Formasaun ne’e hanesan kontinuasaun husi formasaun ne’ebe ekipa sira hala’o iha semana kotuk ne’ebe formasaun iha premeiru ho materia Sosial no kontinua iha ho materia finansas alende ne’e mos materia tekniku nian ne’ebe foka liu ba prateku ho material/alat ekipa tekniku sira uja mak hanesan Total Station (TS) no Global Navigation satellite System (GNSS). iha enseramentu ba formasaun ne’e remata ho foto hamutuk Diretora Nasional Monitorizasaun, Avaliasaun no Kapasitasaun, partisipante ho formador sira.
