Sua Exelénsia Prezidente Repúblika, José Ramos-Horta, halo intervensaun iha konfresia Internasional Sidade Amigas entre Governu Timor-Leste ho Governu Australia iha salaun Nobre Ministériu Negósiu Estranjeiru no Kooperasaun.
Sekretáriu Ezekutivu PNDS, Amandio Paulino Gastão do Rosario de Sousa partisipa iha konfresia Internasional Sidade Amigas entre Governu Timor-Leste ho Governu Australia iha salaun Nobre Ministériu Negósiu Estranjeiru no Kooperasaun (MNEK), 10/07/2025.
Seremonia Konfrensia Internasional Sidade Amigas entre Governu Timor-Leste ho Governu Australia ba dala lima ne’e ofisialmente avertura husi Sua Exelénsia Prezidente Repúblika, José Ramos-Horta, Sua Exelénsia Primeiru-Ministru, Kay Rala Xanana Gusmão, Sua Exelénsia Ministru Administrasaun Estatál, Tomás do Rosário Cabral, no Sua Exelénsia Embaixadora Austrália iha Caitlin Wilson, konfrensia ne’e rasik hala’o durante loron rua.
Objetivu husi konferénsia ne’e mak atu hametin lasu amizade entre autoridade munisípiu no komunidade sira iha Austrália no sira ne’ebé iha Timor-Leste. Nune’e mós atu hametin ligasaun entre ema-ho-ema no governu-ba-governu no haburas liu-tan envolvimentu nivel lokál, no apoia koperasaun no kolaborasaun mútua.
Sua Exelénsia Ministru Administrasaun Estatál, Tomás do Rosário, halo intervensaun iha konfresia Internasional Sidade Amigas entre Governu Timor-Leste ho Governu Australia.
Embaixadora Austrália iha Timor-Leste, Caitlin Wilson, iha KonferénsiaInternasional Sidade Amigas entre Governu Timor-Leste ho Governu Ausrtalia sente kontente tebes amizade entre Governu Timor Leste ho Governu Australia.
Iha konferénsia ne’e Sua Exelénsia Prezidente Repúblika, José Ramos-Horta, louva ho konferénsia ida ne’ebé organiza husi Ministériu Administrasaun Estatál kolaborasaun ho Embaixada Austrália. Ne’ebe foka liu ba hametin relasaun ema-ba-ema ne’ebé kleur ona entre Timor-Leste no Austrália
liu hosi inisiativa Sidade Amizade no Eskola Amizade.
“Uluk ha’u sei nu’udar Ministru Negósiu Estranjeiru lansa ideia ida ne’e, bolu dehan friendship city and friendship school, eskola iha Austrália bele hili eskola iha Timor sai amigo no sira buka ajuda no vizita, dalaruma estudante balun husi ne’e ba iha ne’eba, prosesu ne’e envolve ona ema rihun ba rihun iha Austrália, ema rihun ba rihun mak koñese ona Timor, li-liu iha tinan kotuk no tinan ne’e, grupu sira mai husi Austrália hodi ba vizita munisípiu sira hanesan Viqueque, Suai, Baucau, no seluk tan, relasaun ida ne’e diak tebes, ne’e inisiativa ida bele hatete Povu ho Povu no iha influénsia makas tebes”
Sekretariu Ezekutivu ST-PNDS, Amandio Paulino Gastão do Rosario de Sousa partisipa iha konfresia Internasional Sidade Amigas entre Governu Timor-Leste ho Governu Australia iha salaun Nobre Ministériu Negósiu Estranjeiru no Kooperasaun (MNEK).
Iha fatin hanesan Sua Exelénsia Ministru Administrasaun Estatal, Tomás do Rosário Cabral iha nia
intervensaun hatete, Konferensia ida ne’e atu halibur reprezentante sira husi City Councils, New South Wales, Canberra, Victoria no Darwin ho objetivu atu reforsa no hakesi amizade hodi fahe esperiénsia no promove forma hirak ne’ebé foun koperasaun nian entre instituisaun lokál husi pais rua nian. Ida ne’e mós hanesan espasu ba diálogu no partilla ida hodi valoriza relasaun istórika entre Timor – Leste no komunidade sira husi Australia, nune’e mós atu rekoñese kna’ar esensiál husi ligasaun entre komunidade lokál ba fortalesimentu solidariedade no dezenmolvimentu sustentavel.
Alende ne’e mos, Embaixadora Austrália iha Timor-Leste, Caitlin Wilson, iha Konferénsia ne’e sente kontente tebes atu hare’e amizade sira-ne’e ba tempu naruk no ligasaun ema-ba-ema kontinua hari’i no buras iha nível komunidade. Ida-ne’e hanesan testamentu ida ba istória naruk kolaborasaun no parseria entre timor-oan no australianu sira.
