Ministru Administrasaun Estatal, Dr. Miguel Pereira de Carvalho, Ofisialmente Asina Plaka iha Inaugurasaun Be’e Mos iha Aldeia Baulok, Suku Dare, Munisipiu Dili.
Projetu kontrusaun no kanalizasaun be’e mos iha Aldeia Baulok, suku Dare ne’ebe implementa iha faze III siklu 2, ofisialmente inaugural husi Ministru da Administrasaun Estatal no Akompanha husi Embaisador Australia ba Timor Leste, Peter Robert, 31/07/2020.
Iha intervensaun ne’ebe hato’o husi Ministru Administrasaun Estatal, Dr. Miguel Pereira de Carvalho hateten ba komunidade Aldeia Baulok, Suku Dare, katak Konstrusaun Kanalizasaun Be’e Mos ne’e hodi responde preukupasaun komunidade nian tanba durante tinan barak ona la asesu be’e mos, Ministru Administrasaun Estatal ne’e mos apela ba komunidade sira atu kuidadu no tau matan ba obra ne’ebe hari husi Programa PNDS tanba nain ba obra refere ne’e maka komunidade aldeia baulok, suku dare ne’e rasik.
Embaxador Australia Pieter Robert Akompanha Husi Ministru da Administrasaun Estatal Simbolu Tesi Pita Inaugurasaun Be’e Mos iha Aldeia Baulok, Suku Dare, Munisipiu Dili.
Ministru Administrasaun Estatal, Miguel Pereira de Carvalho ne’e hatutan katak, Ministereu administrasaun Estatal liu husi Programa PNDS ohin loron bele kontrui ona ka dada be’e mos ho 4.2 kilo metru ne’ebe ho tornera publiku hamutuk 3 ne’ebe maka benefisia populasaun hamutuk 300 ital populasaun ho uma kain hamutuk 159 familia iha aldeia baulok, suku dare; konstrusaun ne’e ho total orsamentu hamutuk U$ 42.000 ital no osan restu hamutuk U$ 10.000.
Iha oportunidade hanesan wainhira Diretora Nasional ST-PNDS, Claudinha Soares Pinto dada lia ho media sira informa katak projeitu be’e mos ne’ebe inaugural dadaun ne’e ne’e benefisia komunidade hamutuk 150 chefe da familia iha aldeia baulok, suku dare, Orsamentu ne’ebe aloka ba Konstruasaun Kanalizasaun Be’e Mos ne’e hamutuk U$ 48 Milhoes no projeitu ne’e mos tama ba iha Faze 3 Siklu II, Diretora Nasional ST-PNDS ne’e hatutan katak programa PNDS ne’e laos hala’o deit iha Dili maibe programa PNDS ne’e mos kobre ona teritorio Timor Laran tomak ne’ebe maka hahu kedas desde iha 2013 pilotu 30 suku to’o agora ho ida ne’e total husi Sub-Projeitu ne’ebe hahu husi 2013 mai to’o agora hamutuk 1.700 Sub-Projeitu iha teritorio Timor-Leste tomak.
Ministru Administrasaun Estatal, Dr. Miguel Pereira de Carvalho Ofisialmente Loke Torneira Be’e Mos iha Suku Dare, Postu Nain Feto, Munisipiu Dili.
Chefe Suku Dare, Gil de Araujo ne’e reprezenta komunidade Dare hato’o agradesementu profunda ba PNDS tanba PNDS durante iha nia implementasaun hetan kooperasaun ne’ebe diak tebes ho komunidade no autoridade lokal sira ba konstruasaun kanalizasaun be’e mos ne’ebe realiza iha aldeia baulok, suku dare. Iha oportunidade ne’e chefe suku dare mos husu atensaun husi governo atu tau matan ba aldeia ha’at seluk mak hanesan aldeia sukalau, kulau I, kulau II no lelaus ne’ebe maka ate adata seidauk hetan assesu ba be’e mos, enkuantu aldeia sira ne’e asesu on aba be’e mos mak aldeia Baulok, Nahaek, Fatunaba, Filabe Batua, Kasnafa no Lemorana.
