Ministru Administrasaun Estatal, Dr. Miguel Pereira de Carvalho, fo Orientasaun ba Diretor/a no Fungsiunariu PNDS Tomak iha Enkontru Mensal Nivel Nasional iha Salaun Enkontru CNE, Dili.
Espektativa atu bele alkansa dezenvolvimentu ne’ebe konsentra iha nivel suku ne’e nudar orientasaun husi Ministru da Administrasaun Estatal, Miguel Pereira de Carvalho, wainhira partisipa iha enkontru koordenasaun mensal nivel Nasional ne’ebe halao iha salaun enkontru CNE Dili, 29/07/2020.
Objective husi Enkontru ne’e maka atu atualiza progresu fiziku, finansas no social husi implementasaun faze III siklu 2, Playground no Konstrusaun Infraestrutura eskola edukativa, nune’e aktualiza mos progresu servisu kada Munisipiu, rezumo enkontru mensal anterior, atualizasaun ba revisaun global timeline 2020 no planu asaun servisu, sosializa informasaun konaba apoiu finanseiru husi governu Australia (DFAT) hanaran COVID Fund.
Iha intervensaun Ministru Administrasaun Estatal, Dr. Miguel Pereira de Carvalho afirma katak espektativa
Programa PNDS, nudar programa ne’ebe importante hodi dezenvolve suku sira partikularmente dezenvolvimentu infraestrutura basiku iha nivel suku hodi bele responde difikuldade ne’ebe komunidade sira enfrenta. Ezistensia PNDS ne’ebe dura ona durante tinan sia nudar maneira ida hodi garante partisipasaun komunidade nia hodi halo infraestrutura baziku iha suku no projeitu sira ne’ebe konstrui husi komunidade sira bele garante sustentabilidade dezenvolvimentu ho manutensaun ba infraestrutura husi tempo ba tempo nune’e infraestrutura sira ne’ebe konstrui bele kontribui ba dezenvolvimentu ekonomia komunidade sira iha nivel suku.
Diretor/a no Fungsiunariu PNDS Partisipa iha Enkontru Mensal Nivel Nasional iha Salaun Enkontru CNE, Dili.
Iha oportunidade hanesan Diretora Nasional ST-PNDS, Claudinha Soares Pinto hateten enkontru ida ne’e hanesan enkontru Koordenasaun Primeiru mai hau, tan ne’e iha biban ida ne’e hakarak hato’o mos parabens ba funsionariu sira hotu hahu husi Nasional, Munisipio to’o Postu sira hotu tanba durante ne’e ita bot sira esforsu makas tebes hodi implementa Programa PNDS lao diak tebes ho apoiu maximu husi parseisu sira liu husi DFAT no PARTISIPA. Nune’e Diretora Nasional ST-PNDS afirma sei fo atensaun maximu ba iha Munisipio atu koloka forsa trabalho, no apoio orsamentu operasional inklui kestaun logistiku ne’ebe bele fasilita diak liu tan serbisu funsionariu sira iha nivel baze.
Nune’e mos Team Leader PARTISIPA, Fiona Hamilton, iha nia intervensaun ne’ebe deklara liu husi Zoom Coordination Meeting husi Australia hateten implementasaun programa PNDS ba tinan ne’e nudar tempo ida ne’ebe okupado tebes tanba PNDS sei serbisu maka’as hodi implementa orsamentu husi Governu Timor-leste rasik no fudus Surtu Covid ne’ebe mai husi Governo Australia. Iha oportunidade ne’e team leader PARTISIPA ne’e mos update konaba atividade serbisu asesor sira nia no serbisu FTS (Fasilitador suporta Terreno )ne’ebe konsentra iha Munisipiu Baucau, Bobonaru, Ermera inklui munisipiu seluk.
Enkontru koordenasaun mensal nivel Nasional ne’e partisipa husi Diretora Nasional ST-PNDS, Chefe Unidade, Chefe Departamentu, Diretor Delegasaun no Kontabilista Munisipiu 12 inklui RAEOA, Funsionariu Sekretariado, Assesor no Koordenador FST.
