Presidente Autoridade Munisipal Bobonaro Abertura Treinamento POM Refresing, iha Administrasaun Munisipiu Bobonaro
Sekretariadu Tekniku PNDS Nasional realiza treinamentu resiklajen POM refresher nivel Munisipiu ne’ebé partisipa husi Diretor Delegasaun PNDS Munisipiu no funsionariu PNDS Munisipiu 12 no Postu Administrativu, treinamentu ne’e hahu iha 23-26/06/2020 iha kada Munisipiu Inklui RAEOA.
Objetivu husi Treinamntu POM ne’e atu hetan kompriesaun ida hanesan konaba manual implementasaun programa ne’ebé PNDS utiliza ona durante ne’e inklui ninia revizaun no mudansa ba prosesu no matadalan implementasaun PNDS ba Siklu III nian.
Abertura ba treinamentu POM ne’e halao iha kada Munisipiu, ne’ebe iha Munisipiu balun abertura husi Presidente Autoridade Munisipiu, balun abertura husi Administrador Munisipiu.
Iha Munisipiu Bobonaro no Baucau abertura husi Presidente Autoridade Munisipal, enkuantu iha Munisipiu Manufahi abertura husi Administrador Munisipiu, entretanto iha Covalima abertura husi Administrador postu suai Villa, Laurentinho Gomes.
iha abertura Administrador Postu Suai Vila, Laurentino Gomes espresa sente kontenti tanba foin premeira ves bele hasoru malu ho ekipa PNDS Nasional hodi fahe informasaun ruma, Administrador Postu apela ba partisipante sira atu rona diak-diak aprezentasaun no diskusaun durante loron ha’at ne’ebe formador sira hala’o hodi bele loke fila fali hanoin no komprensaun ne’ebé durante ne’e hetan hodi nune’e bele hari’I ita nia munisipiu covalima liu-liu Postu Covalima Villa diak liu tan.
Refresing Treinamentu POM iha Munisipiu Liquica
Iha fatin hanesan, Chefe Unidade Operasional, Marcio J. L. Marcal, agradese tebes ba partisipante sira husi postu administrasaun hitu iha munisipiu covalima ne’ebé mai halibur hamutuk iha treinamentu ne’e atu bele refresher fali hanoin konaba mata dalan implementasaun PNDS ne’ebe lao ona durante tinan hirak ba kotuk atu bele iha hanoin ne’ebe hanesan hodi implementa tuir mata dalan ne’ebe iha.
Tuir chefe Unidade Operasional PNDS ne’e katak treinamentu ne’e nudar oportunidade atu loke fali buat balun mak ita haluha ona, nune’e bele iha implementasaun lao tuir mata dalan ne’ebe PNDS iha.
Iha sorin seluk Treinamentu iha Munisipiu Bobonaro, Chefe Unidade Gestaun Administrasaun no Financas, Fortunatu Godinho Amaral hateten katak normalmente ba PNDS bainhira atu hahu Siklu ou implementasaun ruma sempre iha formasaun ba iha funsionario sira hotu nune’e actualiza konaba mudanca politika sira ne’ebé iha, tanba ne’e treinamentu ne’e hanesan oportunidade ba funsionario PNDS sira hotu atu bele refresher fila fali servisu tereno ne’ebé mak iha, nune’e nafatin partisipa ho diak liu tan iha prosesu dezenvolvimentu mais bazika sira ne’ebé mak ita nia komunidade sira presija tebes ita nia tulun iha area rural sira.
Treinamentu nivel Munisipiu ne’e partisipa husi Diretor Delegasaun PNDS Munisipiu, Engineiru Munisipiu, Kontabilista Munisipiu, inklui Fasilitador Postu sira ne’ebe kompostu husi fasilitador Tekniku, Finansas no Sosial.
-
- Aprezentasaun materia tekniku nia iha refresing treinamentu POM iha Munisipiu Manufahi
-
- Presidente Autoridade Munisipal Bobonaro Abertura Treinamento POM Refresing, iha Administrasaun Munisipiu Bobonaro
-
- Refresing Treinamentu POM iha Munisipiu Liquica
-
- Partisipante Treinamentu sira akompanha hela aprezentasaun materia husi ekipa treinador sira
-
- Treinamento POM refresing iha Munisipiu Dili
