Feto PNDS Ne’ebe Asumi Kargu Chefia em Exersisiu Halao Enkontro ho Diretora ST-PNDS, Dulce Guterres Junior.
Loron walu fulan Marsu hanesan loron mundial ba feto, tema mundial ba selebrasaun tinan 2020 mak “Womans take over” ou hau gerasaun igualdade. Iha Timor Leste espesial iha Sekretariado Tekniku Programa Nasional Dezenvolvimentu Suku (ST-PNDS) selebra mos loron importante ne’e hodi hala’o aktividade inportante rua mak hanesan kargu hotu iha PNDS entrega ba feto mak asumi durante loron ida tomak segundu mak hala’o mos talk show iha GMN TV hodi koalia konaba involvimentu feto iha implementasaun PNDS. Aktividade ne’e hala’o iha Dili, 06/03/2020
Diretora ST-PNDS, Dulce Guterres Junior hateten Objectivu husi realiza atividade importante rua ne’e mak nudar aktividade atu fo biban ba funsionariu feto iha PNDS ne’ebe hetan pozisaun importante kargu chefia iha ST-PNDS hodi aprende oinsa hala’o funsaun nudar Chefe no aprende prossesu oinsa foti desizaun ruma, alende ne’e fo biban mos ba feto iha PNDS ( diretora , pontu fokal jeneru no EJS feto) hodi fahe sira nia esperensia no koniesementu konaba sira nia envolvimentu iha PNDS no oinsa PNDS iha kompromisiu ba partisipasaun feto iha PNDS. Aktividade feto asumi kargu ne’e alende hala’o iha Nivel Nasional no Parseiru hanesan PARTISIPA.
Diretora PNDS, Dulce Guterres Junior Akompanha Husi Ekipa Jestaun Suku Husi Bucoli, Jeferina da Silva no Postu fokal Generu Liquica Alcino Freitas da Cruz halao Talk Show Iha GMN TV.
Alende ne’e Diretora Nasional ST-PNDS, Dulce Guterres Junior hatutan katak, feto maluk sira iha nivel Munisipiu asumi mos kargu ne’ebe hanesan, husi ida ne’e mak ita nia feto maluk sira bele aprende hodi hetan esperensia husi loron ida ohin, ba oin iha oportunidade ba feto maluk sira karik asumi kargu ruma entaun la difisil ba sira atu asumi tanba ho esperensia ne’ebe iha atu nune ita nia feto maluk sira koko atu implementa iha futuru, karik hetan fiar husi ministeriu ou instituisaun ruma para atu bele asumi kargu hanesan kargu chefia, Diretora Nasional ST-PNDS, Dulce Guterres Junior hato agradese ba Funsionarius Chefia mane sira tanba ho disponibilidade bele delega kargu refere ba ita nia feto maluk sira hodi asumi iha lororn ida ohin. Oportunidade feto asumi kargu chefia ne’e laos realiza deit iha nivel Sekretariado maibe halao mos iha nivel munisipiu no parseiru hanesan PARTISIPA.
Nune’e Diretora Nasional ST-PNDS, Dulce Guterres Junior hato’o parabens ba feto maluk sira hotu liliu ba funsionarius PNDS feto sira iha Nasional, Munispiu no EJS Suku, hanesan PNDS ita konsidera mos prinsipiu hanesan igualidade generu. Alende aktividade konaba feto assume kargu chefia, iha parte lokraik Sekretariado PNDS mos realiza talk show iha GMN TV hodi koalia konaba involvimentu feto iha implementasaun Programa Nasional Desenvolvimentu Suku.
