Vice-Ministru Administrasaun Estatal, Abilio José Caetano, Hala’o Diskursu iha Inaugurasaun Fatin Halimar Pre-Eskolar Nosa Senhora Peregrinasaun 1987 Clacuc, Suku Fatukahi, Postu Fatuberliu.
Fatin Halimar (Playground) Pre-Eskolar Nosa Senhora Peregrinasaun 1987 Clacuc, Ofisialmente inaugura husi Vice-Ministru Administrasaun Estatal no Ministra Edukasaun Joventude no Desportu akompanha husi Embaixador Nova Zelandia iha Suku Fatukahi, Postu Fatuberliu, Munisipiu Manufahi (22/02/2020).
Ministra Edukasaun, Joventude e Desportu no Vise Ministru Administrasaun Estatal Asina Plaka Fatin Halimar Pre-Eskolar Nosa Senhora Peregrinasaun 1987 Clacuc.
Vice-Ministru Administrasaun Estatal, Abilio José Caetano hafoin inaugura fatin halimar hateten katak fatin halimar ida ne’e hetan apoio husi Governu Nova Zelandia, tamba ida ne’e Vice-Ministru Administrasaun Estatal, Abilio josé Caetano husu ba autoridade lokal sira inklui inan aman no professor/a sira hotu atu tau atensaun ba fasilidades sira ne’ebé haríi ona husi PNDS ho nune obra refere bele uza ho tempu ne’ebé naruk.
Ministra Edukasaun, Joventude no Desportu, Vice Ministru Administrasaun Estatal Akompanha Husi Embaxador Nova Zelandia Tesi Pita iha Inaugurasaun Fatin Halimar iha Escola Pre-Eskolar Nosa Senhora Peregrinasaun 1987 Clacuc.
Iha oportunidade hanesan Ministra Edukasaun Juventude no Desportu, Dulce de Jesus hato’o liameno ba professor/a, lider komunitariu no inan aman sira atu tau atensaun hodi koidadu sasan sira ne’ebé maka oras ne’e harií husi Governu no Embaixador Nova Zelandia liu husi Programa HANDS no PNDS, nune Ministra mos apela nafatin ba professor/a sira atu kuidadu fatin halimar ne’e ho diak tamba eskola pre-eskolar Nosa Senhora Peregrinasaun 1987 Clacuc ne’e rasik seidauk iha moru.
Diretora Nasional ST-PNDS, Dulce Guterres Junior hatete katak, Planu ba oin iha ona komitmentu husi parseiru Governu Nova Zelandia liu husi HANDS ba tinan 2020 tamba ne’e sei harií 50 ital Fatin Falimar (playground) ba teritorio hotu, atu identifika fatin halimar sira ne’e rasik PNDS hanesan Teknikamente so fo assistensia teknika halo dezenho hodi aprezenta, ba tinan 2020 Orsamentu ne’ebé sei aloka ba Fatin Halimar (playground) por volta 400 mil ital, iha tinan 2018 ita iha 90 ital mil no ba iha tinan 2019 ita iha porvolta de 300 ital mil ne’ebé mak aloka ba iha Fatin Halimar (Playground) ne’e rasik.
Fatin Halimar iha Escola Pre-Eskolar Nosa Senhora Peregrinasaun 1987 Clacuc.
Embaixador Nova Zelandia iha Timor-Leste, Philip Hewit hatete katak Fatin halimar ida ne’e importante tebes ba labarik sira hodi labarik sira aprende buat foun iha eskola, Embaixador Nova Zelandia, Philip Hewit hatutan katak Povu Nova Zelandia haksolok tebes atu apio Pograma HANDS tamba Governu Nova Zelandia hatene katak investe iha labarik ho idade 0 to 5 importante tebes atu ajuda labarik sira iha prosesu aprendijajen no iha benifisiu diak ba labarik sira iha Timor-Leste.
Fatin halimar ba Pre-Eskolar Nosa Senhora Peregrinasaun 1987 Clacuc Partisipa husi Vice-Ministru Administrasaun Estatal, Ministra Edukasaun Juventude no Desportu, Embaixador Nova Zelandia no Espoza, Administrador postu Fatuberliu, Polisia Eskuadra Suku Fatukahi, Reverendu Amu Vigariu, Reverendu Madre, Diretor Edukasaun Manufahi, Dirigentis Ministeriu Edukasaun, DNEPE no DNIE, Diretora Nasional PNDS, Diretur PNDS Munisipiu Manufahi, Profesor/a, Autoridade lokal no Estudante.
