Tezoreira EIP Suku Namoleso, Postu Liquidoe, Joana Alves Pinto cek hela resibu pagamentu nian
Suko Namoleso, nudar suku ne’ebe lokaliza iha posto Administrativo Lequidoe, Munisipiu Aileu, iha tinan ano fiskal 2019 suku refere hetan subsidio ne’ebe aloka husi Governo Timor Leste, 29,750.00 dollares Americano. objetivu prinsipál husi alokasaun orsamentu ne’e mak atu apoia nesesidades baziku suku nian, hanesan dada Be’e Mos, Estrada rural no mos nesesidade seluk ne’ebe nesesita tebes.
Nune’e iha 2019 liu husi implementasaun faze 3 siklu 2 Suku Namoleso propoen Estrada rurais sai prioridade primeiro ne’ebe liga husi aldeia ida ba aldeia seluk. Projeitu refere kobre orsamentu ne’ebe ho montante $29,750.00, uja ba projeitu konstrusaun estrada rural ho distánsia 150 metru no drainazenbetaun ho distánsia 178 metru inklui hada fatun satan rai 25 metru, husi total ne’e uja ba materiais ho montante $22,977.20, no orsamentu insentivus ba trabalhadores sira ne’ebe serbisu iha projetu ne’e mak hol montante $6,773.30.
Sistema hili prioridades suco, mak bazeia ba matadalan no regras sistema controla interna Programa Nasional Dezenvolvimentu Suco, komunidade rasik mak hili prioridades, deside, planu, dezenha no implementa. Ekipa Jestaun Suco ne’ebe klasifika ba kategoria ha’at mak hanesan Ekipa Implementasaun Suco compostu husi Xefi Ekipa Implementasaun Projetu, Secretaria Ekipa Implementasaun Projetu no mos Tezoureira ba Ekipa Implementasaun Projetu. Internalmente, membrus tolu ne’e tenke servisu ho solidu, integradu no mos aumezmu tempu presiza servisu ho komitmentu oinsa servisu obra bele finaliza tuir planu no periodu de implemntasaun ne’ebe planeia.
Fasilitador Finansas Postu Administrativu Liquidoe cek hela livru finansas suku Namoleso
Joana Alves Pinto, nudar tezoureira EIP ba suku Namoleso, posto Lequidoe municipio Aileu. Mesmu nudar tezoureira, foun Joana Alves Pinto, ema ne’ebe servisu ho vontade diak no pasiensia hodi dezempenha nia papel kontrola ho regurozu subsidiu suku ne’ebe kompostu husi orsamentu operasional ba atividades administrasaun, insentivus ba ekipa jestaun no mos fundus ba Infraestrtura ne’ebe utiliza hodi konstrui Estrada betaun, orsamentu ba infraestrutura ne’ebe sei utiliza atu fasilita obra refere ba prioridades suco. Senhora Joana mos hanesan dona da casa ne’ebe ho dupla servisu mas nia sei esforsu an hodi dezempanha ninia kna’ar hanesan tezoureira.
Joana Alves Pinto Senti orgulho tamba servisu hanesan tezoureira ba suku Namoleso hodi maneja no kontrola orsamentu Suku iha implementasaun PNDS faze 3 siklu 2 hodi konstrui Estrada rurais betaun iha suku Namolesu entre aldeias. Bainhira iha vizita, ekipa suporta tereirnu, tu’ur hamutuk hodi hare hikas dokumentus finansas nota katak mesmu nudar ema ne’ebe foun hodi assume kna’ar tezoureira maibe joana apar tebes ho sistema jestaun finansas suku nian.
Nune’e Joana hateten Programa Nasional Dezenvolvimento Suku ne’e program ida ne’ebe fo benifisia, rendimentu diak ba komunidades iha area rurais suku laran, PNDS mos fo kapasitasaun no kunhesementu iha area oinsá bele halo plano no jestaun ba implementasaun projetu iha suku laran.
