Diretora ST. PNDS, Dulce Guterres Junior hato’o intervensaun hodi abertura enkontru Koordenasaun Nasional, iha Timor Plaza
Enkotru Koordenasaun Nasional ba dala uluk iha tinan 2020 ne’e Partisipa husi Diretora Nasional ST-PNDS, Team Leader PARTISIPA, Chefe Unidade, Chefe Departamentu, Koordenador Munisipiu 12 no RAEOA, Koordenador FST, Assesor no Staff Sekretariado, enkontru koordenasaun dahuluk ne’e hala’o iha Salaun Maubara Room LT. 4 Timor Plaza Dili; 29/01/2020.
Objectivu husi Enkontru Koordenasaun ne’e atu Aprejenta Progressu implementasaun PNDS Faze 3 Siklu II husi Munisipiu 12 no RAEOA ne’ebé Aprezenta husi Koordenador Munisipius, aumesmu tempu Aprezenta mos Ejekusaun no Balansu Orsamentu no Apar Planu Global ba tinan 2020.
Iha Intervensaun husi Diretora Nasional ST-PNDS, Dulce Guterres Junior informa katak iha tinan ida ne’e Timor-leste sei sai uma nain ba Konferensia CDD no konferensia ne’e rasik sei partisipa husi nasaun 9 iha Timor-Letse tan ne’e ST-PNDS hili ona Munisipiu Manatutu, Ermera no Liquica atu sai fatin ba vizita nasaun membru CDD sira atu mai hare progressu husi Infraestrutura ne’ebé hari ona liu husi Programa PNDS. Tanba ne’e Diretora Nasional ST-PNDS informa ba Koordenador Munisipiu tolu refere atu prepara dokumentus sira hotu emtermus dadus no projeitus fizikus, logistikamente tenki preparado.
Diretor/a Delegasaun PNDS Munisipiu rona hela intervensaun husi Diretora
Iha oportunidade ne’e Diretora Nasional ST-PNDS mos fo votus parabens ba Koordenador Munisipiu 12 inklui RAEOA no FST tanba esforsu ba susesu tomak ne’ebé hetan, ho ida ne’e husu atu nafatin mantein servisu professional hirak ne’e hodi servi povu no komunidade iha area rural ne’ebé presija liu.
Responsavel masimu Team Leader PARTISIPA Fiona Hamilton reforsa katak profesionalismu serbisu nafatin mantein atu bele servi ho diak liu tan komunidade sira iha baze, atu bele lori dezenvolvimentu suku atinji objektivo, nune’e Lider PARTISIPA ne’e nafatin enkoraja Koordenador Munisipiu 12 no RAEOA inklui Koordenador FST sira iha baze atu nafatin mantein profesionalismu serbisu ne’ebé iha.
Iha oportunidade ne’e mos Team Leader PARTISIPA ne’e hato’o nia sentimentu kontenti no orgulhu tanba bele iha oportunidade ba partisipa inagurasaun iha Suku Uatu-haco, Postu Venilale, Munisipiu Baucau tanba mesmu implementasaun projetu irigasaun be’e ba natar ho Orsamentu ne’ebé ki’ik maibe bele finaliza obra refere ho kualidade no rezultado ne’ebe fo impaktu positivo tebes ba komunidade.
