Administrador Postu Nitibe, Manuel Tolan, Hala’o Intervensaun iha Enkontru Kordenasaun iha RAEOA, Ocusse/Ambeno.
Enkontru Kordenasaun Nasional ne’e Partisipa husi Diretora ST-PNDS, Reprezentante Team Leader PNDS-PARTISIPA, Chefe Unidades, Chefe Departamentu, Administrador Postu Nitibe, Diretor/a Delegasaun PNDS Munisípiu 12 no RAEOA, Assesor, Kordenador FST no Staff Sekretariado Tékniku Nasional PNDS, halao iha Citrana , Suku Beneufe, Postu Nitibe, RAEOA; 11/12/2019.
Objetivo husi enkontru ne’e mak atu aktualiza informasaun em termus Progressu ba projetu kada Munisipiu, Ejekusaun no balansu; Alende ne’e sei ba hare progressu irigasaun ne’ebe hala’o iha fulan Outubru liu ba iha Citrana, Suku Beneufe, Postu Nitibe ho orsamentu U$ 41,000 mil ho naruk 1km ne’ebe fornese be’e ba natar hektares 5.
Diretora PNDS Nasional, Dulce Guterres Junior, Hala’o Intervensaun ba Enkontru Kordenasaun Dala Ikus Tinan 2019 iha RAEOA, Oecusse/Ambeno.
Iha intervensaun aumesmo tempu abertura enkontru ne’e Diretora Nasional ST-PNDS, Dulce Guterres Junior hateten katak Enkontru Kordenasaun Nasional ne’e hanesan enkontru ikus ba tinan 2019 nia, tanba ne’e mak lori ita boot sira mai iha Oecusse atu fo tempu mos ba imi hotu hodi refreshing mos tanba serbisu todan ne’ebe ita bo’ot sira hodi halo durante tinan ida tomak.
Entretantu Administrador Postu Nitibe, Manuel Tolan iha intervensaun hato’o benvidu ba Diretora Nasional ST-PNDS no estrutura tomak inklui Funsionarius Nasional PNDS, tanba tinan-tinan bele aloka ona orsamentu ba povu Oecusse liliu iha komunidade Suku Postu Nitibe, maske povu Oecusse tama iha Pakote ZEEMS maibe PNDS nafatin tulun komunidade sira hodi hatan ba nesesidade mais bazica ne’ebe komunidade presija.
Partisipante Enkontru Kordenasaun Antusiasmu Rona Esplikasaun Husi Diretora PNDS Nasional.
Nune’e mos Iha Intervensaun husi reprezentante Team Leader PNDS-Patisipa , Abilio de Araujo aktualiza mos informasaun konaba ba PNDS-SP muda naran ba PARTISIPA, Abilio de Araujo informa PARTISIPA dadaun ne’e hahu kompleta hela strutura ka mudansa ne’ebé halo ba PARTISIPA rasik , tamba uluk se iha PNDS-SP maioria fo apoiu ba PNDS, agora ho ambitu servisu ne’ebé iha, loke espaco oituan signifika laos deit fo apoiu ba PNDS maibe fo apoiu mos ba Ministériu Estatal liu husi aloka assessor iha Munisípiu tolu hanesan Baucau, Bobonaro no Ermera, apoiu seluk ne’ebe PARTISIPA sei fo mak iha area be’e-mos ne’ebe partense ba kana’ar Ministeriu Obras Public ida seluk mos sei fo apoiu ba kordenasaun Sektoral maibe importante liu mak fo apoiu ba PNDS, area hirak ne’e mak sai ambitu servisu husi PARTISIPA hodi fo apoiu iha futuru.
