Diretur Nasional ST-PNDS Interino, Fortunato Godinho Amaral, hata’o Objetivu husi Formasaun Konaba Espesialidade Operasaun no Manutensaun Bomba Be’e Eletrica iha Fatin Formasaun CNEFP Tibar.
Engeneiru PNDS Nasional no Munisípiu hamutuk 35 partisipa iha Formasaun ba Espesialidade Operasaun no Manutensaun Bomba Be’e Eletrika ne’ebé realiza durante semana ida iha Centru Treinamentu salaun rekursu CNEFP Tibar, Liquica, 25/10/2019
Objetivu husi formasaun durante loron lima iha centru formasaun rekurso CNEFP tibar ne’e mak atu hasa’e kapasidade no abilidade partesipante funsionariu tekniku PNDS husi nivel Nasional to nivel Municipal iha area espesialidade operasaun no manutensaun bomba be’e eletrika hodi bele aplika prestasaun servisu iha terenu.
Sekretario Estado Formasaun Profesional e Empregu SEFOPE, Julio da Silva Hala’o Intervensaun ba Partisipante iha Seremonia Entrega Sertifikado iha Centro Formasaun Tibar.
Iha intervensaun ho liafuan benvido husi Diretur CNEFP Tibar, Simão Bareto hato’o sentimentu apresiasaun ba partisipasaun no dedikasaun ne’ebe konsentra iha kursu formasaun ba espesialidade operasaun no manutensaun bomba be’e eletrica, Diretur CNEFP Tibar hatutan katak PNDS laos Primeira-ves mai tuir kursu formasaun ba espesialidade hanesan ne’e, ho formasaun espesialidade ida ne’e espera bele iha abilidade diak liu tamba ba identifikasaun problema bomba be’e eletrika iha komunidade rural ho formasaun ne’ebe partisipante sira investe tempu hodi aprende sai hanesan misaun iha terenu hodi tulun komunidade iha area rural.
Partisipante Husi Engeneiru Nasional no Munisipiu 12 inklui Engeneiru Husi Região Administrativa Especial Oé-cusse Ambeno (RAEOA), Rona Esplikasaun Husi Diretur Nasional ST-PNDS Interino, Fortunato Godinho Amaral.
Diretur Nasional ST-PNDS interino, Fortunato Godinho Amaral hato’o mos nia intervesaun relasiona ho formasaun espesialidade ne’e katak PNDS nia servisu iha area infraestrutura baziku ne’ebe komunidade mak sai nain ba implementasaun iha terenu, atu asegura kualidade no sustentabilidade ba obras ne’ebe komunidade hari, PNDS fasilita prosesu sira lao tuir padraun ne’ebe iha, ho ida ne’e PNDS estabelece servisu hamutuk no koperasaun diak ho centru treinamentu kualifikadu hanesan CNEFP tibar desde 2013 atu fo formasaun ba ekipa PNDS.
Diretur Nasional ST-PNDS Interino, Fortunato Godinho Amaral, Entrega Sertifikadu Treinamentu Konaba Espesialidade Operasaun no Manutensaun Bomba Be’e Eletrica ba Partisipante Sira.
Alende ne’e Diretur Nasional ST-PNDS interino, Fortunato Godinho Amaral hato’o mos nia esperanca ba funsionarius PNDS sira ne’ebe hanesan partisipante hodi tuir formasaun durante loron lima atu aplika no utilija abilidade ne’ebe hetan husi centru treinamentu CNEFP no hatudu prestasaun servisu ho kualidade hodi kontribui iha dezenvolvimentu atu servi komunidade iha area remotas ne’ebe presija ita nia tulun.
Iha oportunidade hanesan, Sua Exmo Sekretario Estado Formasaun Profesional e Empregu SEFOPE, Julio da silva hato’o nia entervensaun hodi apresia no enkoraja nafatin katak iha oitavo governu ida ne’e atravesa Ministeriu administrasaun Estatal liu husi Dirasaun Nasional PNDS iha politikika ida sei konstrui uma ba kibit laek ho total 5000, sifnifica presija rekursu ba iha area tekniku ne’ebe ho kualifikado, tamba ne’e formasaun ne’ebe hetan ona espera bele aplika iha komunidade nia le’et hodi bele kontribui iha Dezenvolvimentu nasional.
