Reprezentante Administrador Munisípiu Covalima, Agustino Gusmao, Hala’o Avertura ba Atividade Suku Vijita Malu iha Munisipiu Covalima.
Suku Lalawa, Postu Tilomar, Munisípiu Covalima nudar suku uma nain ba Atividade suku vijita malu, suku ne’ebé partisipa husi reprezentante ne’ebé mai husi Ekipa Jestaun Suku Munisipiu Aileu, Ainaro, Bobonaro, Ermera no Manufahi, atividade ne’e hala’o iha Salaun Administrasaun Covalima 24/10/2019.
Objetivu prinsipál husi atividade suku vizita malu ne’e atu partisipante sira bele aprende moris agrikola ne’ebé lao ona iha suku Lalawa munisípiu Covalima hafoin hetan apoiu irigasaun husi Programa PNDS no fahe esperensia ba malu hodi bele implementa iha ida-ida nia suku.
Reprezentante Diretora Nasional PNDS, Marcio J.M.F. Lihite Nudar Chefe Unidade Operasional Programa PNDS Hala’o Intervensaun Kona-ba Objetivu Husi Suku Vijita Malu iha Munisipiu Covalima.
Atividade suku vijita malu ne’e abertura husi Reprezentante Administrador Munisípiu Covalima, Agustino Gusmao, iha abertura reprezentante Administrador Munisípiu Covalima hateten atividade suku vijita malu hanesan forum ida atu bele mantein ligasaun entre suku hodi aprende no kampara esperensia implementasaun atividade ne’ebé ligado ho Desenvolvimentu iha Suku sira iha baze no Atividade ne’e nudar pasu inportante hodi bele kria lasu amizade.
Reprezentante Administrador Munisípiu Covalima akresenta katak implementasaun programa PNDS nudar alternativo ne’ebé governo fo fiar ba komunidade sira atu Desenvolve sira nia suku rasik, tanba ne’e husu atu autoridade lokal hanesan chefe suku no komunidade sira atu aproveita oportunidade ne’e hodi aslera rejolve problema Desenvolvimentu iha suku laran ne’ebé sira identifika.
Partisipante Sira Hala’o Vijita Terenu ba Irigasaun no To’os Ne’ebe Hetan Apoiu Husi Programa PNDS iha Suku Lalawa. Postu Administrativu Tilomar, Munisipiu Covalima.
Iha parte seluk Reprezentante Diretora Nasional Marcio J.M.F. Lihite Nudar Chefe Unidade Operasional Programa PNDS hatete liu husi programa suku vizita malu ne’e agrikuktur sira bele aprende husi prosesu planemeantu oinsá atu hari’i gropu potensiál agrikultura no mercadoria no fahe esperensia ba malu konaba saida mak diak iha suku Lalawa no hodi aprende buat ne’ebe diak hodi lori ba sira nia suku hodi bele implementa iha sira nia suku.
Iha Programa suku vizita malu ne’e partisipante sira mos halo vizita ba iha irigasaun Be’e ne’ebe hetan apoiu husi Programa PNDS para bele sai exemplu diak ida ba partispante sira wainhira fila ba sira nia suku bele implementa tuir saida mak sira hetan durante tuir atividade suku vizita malu iha suku Lalawa, Munisípiu Covalima.
Programa Suku Vizita ba malu ne’e partisipante sira mai husi Munisípiu lima, maka Hanesan Munisípiu Aileu, Ainaro, Bobonaro, Ermera no Manufahi, reprezentante husi Administrador Munisípiu Covalima, Reprezentatnte Diretora PNDS Nasional, Diretor Delegasaun Munisípiu Lima, Pontu Fokal MAE, Pontu Fokal Munisípiu Lima inklui ekipa PNDS nomos Field Support Team husi ajénsia Cardno ne’ebe durante ne’e fo apoiu ba implementasaun Programa PNDS.
