Primeiru Ministru RDTL, Rona Aprezentasaun Husi Ekipa PNDS Konaba Uma Kbi’it Laek
Diretora PNDS, Dulce Guterres Junior akompanha Vice-Ministru Administrasaun Estatal Abilio Jose Caetano halao sorumutu ho Primeiru Ministro Taur Matan Ruak, sorumutu ne’e halao Segunda-feirra 14/10/2019.
Objectivu husi sorumutu ne’e atu rona no simu orientasaun direita husi Primeiru Ministru Taur Matan Ruak konaba insendiu ahi-han plantasaun inklui uma komunidade iha Munisipiu hat mak hanesan Munisipiu Liquica, Ermera, Aileu no Bobonaro.
Primeiru Ministru RDTL, Taur Matan Ruak Vice Ministru MAE, Diretor Geral Dezentralizasaun Administrativa, Diretora Nasonal PNDS, no Ekipa Hasai Letratu Hamutuk.
Hafoin enkontru Vice-Ministro Administrasaun Estatal, Abilio Jose Caetano hateten enkontru ohin ho Primeiru Ministru koalia konaba kestaun inportante rua, primeiru mak simu orientasaun hodi prepara nafatin orsamentu ne’ebe tama ona ba planu OJE 2020 nia ho orsamentu husi PNDS ne’ebe maka ejekuta ona durante 2019 ate agora.
Alende ne’e koalia mos konaba ita nia maluk sira ne’ebe hetan dezastre naturais ( Insendiu ) iha Munisipiu ha’at mak hanesan Ermera, Liquica, Aileu no Bobonaro, asaun konkreta ne’ebe ministeriu toma atensaun maka orienta ona ekipa hodi foti dadus konaba insidiu neebe akontese iha Munisipiu hat ne’e.
Kestaun segundu neebe koalia iha enkontru ne’e mak koalia konaba planu orsamento tinan fiscal 2020 husi Ministeriu nian ne’ebe sei hari’I uma kbiit laek iha teritoriu tomak, plano ba hari’I uma kbiit laek ne’e enkaisa iha orsamentu PNDS nian ba tinan 2020.
Iha oportunidade ne’e sekretariado tekniku Programa Nasional Dezenvolvimentu Suku aprenzenta estimasaun orsamentu ba hari’I uma kbiit laek inklui politika implementasaun uma kbiit laek.
