Engineiru Nasional Sukat Klean Rai ba Fondasi Fatin Konstrusaun Uma Edukativa iha Suku Maluro, Posto Administartivu Qeliqai, Munisipiu Baucau.
Fatin Konstrusaun Uma Edukativa iha Suku Maluro ne’ebe Implementa.
Monitorizasaun ba kontrusaun infraestrutura edukativo inklui progresu fiziku faze 3 siklu 2 ne’e konsentra iha Suku Maluro, Postu Administrativu Quelicai, Munisipiu Baucau no Suku Trilolo, Postu Administrativo Ilomar, Munisipiu Lautem, aktividade ne’e realiza iha loron 7-11/10/2019
Objetivu husi monitorizasaun ne’e atu hare besik Progressu Implementasaun ba konstruksaun Infraestrutura Eskola Edukativa no Material ne’ebé uza hodi konstrui tuir padraun dezenho no kualidade aseitavel, alende ne’e rona mos Informasaun husi Fasilitador Tekniku Postu Administrativu sira konaba difikuldades balun ne’ebé fasilitador sira enfrenta iha terreno liu-liu konaba ladun iha kooperasaun diak husi komunidade sira.
Hafoin monitoriza projetu iha suku Trilolo, Postu Ilomar, Munisipiu Lautem, ekipa kontinua halao enkontu ho EJS iha suku refere, iha enkontru Chefe Unidade Operasional Programa PNDS, Marcio J.M.F. Lihite esplika ba Ekipa Jestaun Suku sira katak konstruksaun Eskola Edukativa ne’e hanesan programa konjunta husi Ministerio Edukasaun no PNDS ne’ebe integra ba komunidade sira, hodi fo oportunidade direita atu bele partisipa iha dezenvolvimentu iha suku laran.
Konaba informasaun ladun iha kooperasaun diak husi individual balun Chefe Unidade Operasional ne’e mos informa ba komunidade sira katak iha implementasaun Eskola Edukativu sia (9) iha Munisipiu hitu (7) la enkaisa iha BOQ orsamentu ba bee hodi halo kontrusaun tanba ne’e presija kontribuisaun komunidade nia, husi esplikasaun ne’e komunidade sira kompriende hodi promote atu fo kontibuisaun masimu ba implementasaun konstrusaun eskola edukativo.
