Kuadru Projetu ba Rehabilitasaun no Konstrusaun Estrada iha Suku Maumeta Ofisialmente loke Husi Reprezentante Vice MAE, Edgar Sequeira Martins no Diretora Nasional Programa PNDS Dulce Guterres Junior.
Implementasaun konstrusaun no rehabilitasaun Estrada rural iha suku Maumeta, postu Administrativu Bazartete, Munisipiu Liquisa iha kinta feira ne’e ofisialmente hahu ho lançamentu premeira pedra husi Reprezentante Vice Ministru Adminitasaun Estatal, Senhor, Edgar Sequeira Martins, 26/07/2019.
Reprezentante Vice MAE, Edgar Sequeira Martins Akompanya Husi Komunidade Suku Maumeta Lança Premeira Pedra ba Rehabilitasaun no Konstrusaun Estrada.
Iha intervensaun, reprezentante Vice Ministru MAE, Edgar Sequeira Martins, hatete katak, Konstrusaun no rehabilitasaun ba Estrada rural ne’e atu Fasilita Komunidade no ba movimentu tranporte publiku husi postu administrativo ida ba postu administrativo seluk hodi halo atividade loron-loron nian.
Alende ne’e mos konstrusaun no rehabilitasaun Estrada rural ne’e sei kaer direita husi Komunidade sira no sei konstrui mos ponte ida, reprezentante Vice Ministro MAE ne mos hatutan katak, servisu ida ne’e nudar parte ida husi projeitu komunitaria ne’ebé PNDS hala’o iha suku hotu-hotu inklui suku Maumeta.
Rehabilitasaun konstrusaun no Projeitu Estrada rural iha aldeia Nartuto, ne’ebe ho mais distansia 700 metrus ne’ebe uja sistema rabat beton ne’e ho subsidiu ne’ebe aloka ba suku ne’e hodi konstrui rehabilitasaun Estrada ho montante orsamentu hamutuk U$ 34,092.85.
Iha parte seluk Adminitrador Munisipiu Liquica, Domingos da Conceição hatete katak, Lançamentu ba Rehabilitasaun no konstrusaun Estrada rural iha Aldeia Nartuto ne’e importante tebes tamba bele fo oportunidade servisu ba komunidade aldeia Nartutu, alende ne oitavo governu liu husi Programa PNDS bele envolve komunidade direta hola parte iha Dezenvolvimentu hahu kedas husi nia aldeia rasik, Administrador mos hatutan katak plano ba rehabilitasaun no konstrusaun ba estrada ne hanesan planu antes iha 2015 maibe la konsege tama iha PDIM, iha tinan ne’e komunidadde aldeia hili no tau fila kominidade nia prioridade liu husi Programa PNDS hodi bele implementa no hatan lalais nesesidade no preukupasaun komunidade iha area rural.
Partisipante iha seremonia Lançamentu premeira pedra konstrusan no rehabilitasaun Estrada rural iha suku Maumeta, Postu Administrativo Bazartete, Munisipiu Liquisa ne’e mai husi Reprezentante Vice Ministru MAE, Administrador Posto Liquisa, Diretora Nasional Programa Nasional Dezenvolvimentu Suku, Diretor Delegasaun Munisipiu Liquisa PNDS, Funsionariu PNDS Munisipiu Liquisa, Komunidade Suku Maumeta no Reprezentante husi parseirus Cardno.
