Sekretariu Estadu ba Dezenvolvimentu Lokal , Samuel Mendonça, ohin inagura projetu PNDS tolu iha Metinaro, sub-distritu Dili.
Sekretariu Estadu ba Dezenvolvimentu Lokal, Samuel Mendonça no Diretor PNDS ba Administrasaun no Finansa Aderito Guterres tesi fita iha sentru komunidade foun iha Akadiru Laran, sub-distritu Metinaru.
Komunidade Suku Sabuli iha Metinaru hili, dezeña no harii ona sentru komunidade rua no sistema drenajen ida, hanesan parte husi faze pilotu PNDS nian ne’ebé hala’o husi fulan Juñu 2013 to’o Maiu 2014.
Hanesan parte husi prosesu estabelesimentu prioridade PNDS nian, feto sira iha suku nia laran hala’o sorumutuk ketak ida hodi identifika infraestrutura saida mak sai sira nia prioridade altu. Iha Suku Sabuli, feto sira hili sentru komunidade ida hanesan sira nia prioridade.
“Ami hili atu dezenvolve sentru komunidade tamba uluk wainhira klinika movel mai vizita ami nia suku, ami tenki uza ema ida nia uma hodi bele hala’o konsultasaun mediku. Ami kontenti tebes tamba oras ne’e ami iha fatin rasik ona iha komunidade atu uza bainhira ekipa movel saude sira mai vizita ami,” dehan membru komunidade Teresa da Costa nu’udar membru hosi ekipa operasaun no manutensaun ne’ebé mak responsavel atu tau-matan ba sentru ne’e.
Sekretariu Estadu Samuel Mendonça visita projeitu bee dalan ne’ebé foin
Halo mos renovasaun ba drenajen iha estrada ninin ho medida metru atus rua hanesan parte ida husi projetu hodi prevene inudasaun ka bee sa’e iha Suku laran.Suku tolu-nulu mak mal liu ona husi prosesu PNDS nian iha faze pilotu hodi bele koko no reafina sistema no prosedimentu PNDS nian. Barak mak oras ne’e kompleta ona sira nia konstrusaun no iha ona faze final husi sorumutuk auditoria no responsabilidade.
-
- Sekretariu Estadu ba Dezenvolvimentu Lokal, Samuel Mendonça no Diretor PNDS ba Administrasaun no Finansa Aderito Guterres tesi fita iha sentru komunidade foun iha Akadiru Laran, sub-distritu Metinaru.
-
- Membru komunidade ida iha Suku Sabuli remata ninia serbisu pinta ikus liu ba sentru komunidade ne’e.
-
- Sentru komunidade foun iha Suku Sabuli.
-
- Padre Deonizio Bere fo-bensa ba sentru komunidade foun ne’e iha prezensa Sekretariu Estadu Mendonca, Administrador Sub-Distritu Metinaro Fausto Soares Dias, no membru komunidade sira.
-
- Feto sira husi komunidade Sabuli serve ai-han meudia iha sentru komunidade hanesan parte husi seremonia inagurasaun.
-
- Taka sistema drenajen iha Suku Sabuli, Dili.
-
- Membru ekipa jestaun komunidade PNDS nian iha Suku Sabuli hatudu sistema drenajen ne’ebé foin mak kompleta ba Sekretariu Estadu Samuel Mendonça.
Lokalidade: Suku Sabuli, Dili
Projetu: Sentru komunidade rua, sistema drenajen bee ida
Kustu: US$ 39, 500
