Diretora PNDS Nasional, Dulce Guterres Junior, hala’o Intervensaun ba iha Enkontru Sosializasaun ho Fornesedor iha Salaun Munisipiu Dili.
Enkontru kona-ba sosializasaun ne’e partisipa husi, Diretora Nasional PNDS kontraktores Munisipiu Dili, Vice Prejidente CCI.TL, Ekipa ba implementasaun suku, Diretor PNDS Munisipiu Dili, Fasilitador PNDS Munisipiu Dili, hamutuk ho Engenerio Nasional PNDS iha Salaun Administrador Munisipiu Dili, 26/07/2019.
Objetivu husi sosializasaun ne’e atu fo oportunidade negosiu ba kontraktores sira liu-liu ba fornesedor ne’ebe sei fo apoiu ba implementasaun projetu PNDS hodi ajuda no fasilita implementasaun projetu Suku nian.
Partisipante Husi Fornesedor Sira Antusiasmu Rona Esplikasaun Husi Ekipa PNDS Ko-naba Implementsaaun Projetu Suku.
Iha intervensaun husi Diretor Delegasaun PNDS munisipiu Dili, Tadeu Francisco de A. Soares hatete katak, iha alokasaun orsamentu ba infraestrutura kuase U$ 35 mil iha suku ida, alende ne’e mos U$ 35 mil ne’e mos iha divisaun oi-oin, hanesan orsamentu ba transporte ba mos iha trabalhador sira, restu husi ne’e ba hotu iha material konstrusaun, iha material konstrusaun ne’e mak sei fo oportunidade atu compete, karik compete ho presu ne’ebe diak liu entaun kompanha refere ne’ebe compete sei sai manan nain, iha ne’e mos sei la taka dalan ba kompanha seluk atu compete enkuantu lisensa negosiu lokalija iha munisipiu Dili.
Iha mos intervensaun Vice Prejidente CCI.TL, Hergui L. F. Alves hatete katak ne’e foin hanesan prosesu sosializasaun ba kompanhia hirak ne’ebe hatama sira nia kotasaun, se iha kompetisaun ba kompanha lokal sira husi kada suku atu compete hodi implementa obra refere, husi ne’eba mak ita foin hatene total kompanhia hira mak hakarak partisipa.
Hanesan prejidente CCI.TL, Hergui L. F. Alves haktuir durante nia partisipasaun iha sosializasaun ho fornesedor sira katak projeitu ne’e iha nia klasifikasaun ba kada projeitu, iha projeitu balun bele hetan valor U$ 20 , U$ 30 ate U$ 40 mill ital, depende ba projeitu ne’ebe iha atu dezenvolve suku, CCI.TL rasik nia kanar iha atu sosializa para setor privado no lokal sira li-liu ba fornesedor material ki’ik bele partisipa iha implementasaun projetu ne’e, kona-ba tipu projeitu depende ba pedidu suku sira hato’o, ne signifika katak chefe suku hamutuk ho komunidade rasik mak hatene saida mak komunidade presija iha sira nia suku laran.
