Diretora ST. PNDS, Dulce Guterres Junior Abertura Worshop iha Timor Plaza Dili
Workshop durante loron ida tomak nee partisipa husi estrutura ST.PNDS ho Diresaun Nasional Edukasaun Pre-Escolar, Ministeriu Educasaun, ho intensaun prinsipál atu diskuti mekanizmu estabelesimentu fatin halimar ba Pre-Escolar, aktividade ne’e realiza iha sesta 13/07/2018 iha Timor Plaza Dili.
Objektivo prinsipál husi workshop ne’e mak atu finaliza akordu tékniku no mata dalan implementasaun hodi lori ba hetan aprovasaun husi membru (Komite Koordenasaun Teknika) KTT, finaliza diskusaun kona-ba BoQ, diskuti plano formasaun hamutuk, finaliza kalendariu implementasaun no ikus liu mak hili membru KTT no konkorda data enkontru ba KTT.
Diretora PNDS, Dulce Guterres Junior iha nia intervensaun iha enkontru nee hateten enkontru ohin nudar sorumutu inportante atu ita bele finaliza dokumentus inportante ne’ebé sei uja hanesan baze fundamentu atu ita bele serbisu hamutuk hodi implementa fatin halimar ba Pre-Escolar. Aktividade ida nee nudar aktividade adisional ne’ebé PNDS hetan fiar husi Ministeriu Edukasaun atu implementa tanba nee serbisu hamutuk entre tékniku PNDS ho tékniku Ministeriu Edukasaun, special Diresaun Nasional Infraestrutura inportante atu bele finaliza obra fatin halimar ho kualidade ne’ebe diak.
Partisipante husi ST.PNDS ho funsionariu husi Edukasaun rona hela intervensaun Diretora PNDS
Entertanto Diretora Nasional Edukasaun Pre-Escolar, Ministreiu Edukasaun, Abelina da Costa espera katak husi enkontru nee bele hetan ona draff definitivu ba implementasaun fatin halimar hodi bele alkansa lalais implementasaun iha tempu badak.
Husi enkontru ne’e deside pontus inportante lubuk ida mak hanesan, identifikasaun fatin halimar iha Pre-Escolar no suku elijibel no kontinua atividade sosializasaun, aktividade nee sei relaiza iha semana Primeiru fulan Agustu, sosializa nivel suku no survey fatin inklui hili dezeñu hodi hetan aprovasaun husi KTT sei hala’o iha semana segundu fulan Agustu, no mobiliza trabalhadores inklui halo prosesu aprovizionamentu hodi hahú konstrusaun sei hahú iha semana primeiru fulan Setembru.
