Partsipante sira Visita Plantasaun Kinur iha Aldeia Holihut Ne’ebe Hetan Apoiu husi Membru Grupu LANAMONA.
Programa suku vizita malu ba retornu ekonomia basiku/PREB Pilotu ne’e hanesan aktividade estudus komparativu ne’ebe hala’o iha suku. aktividade ne’e nudar dalan ida ne’ebé Sekretariadu Tekniku Programa Nasional Dezenvolvimentu Suku ho apoiu fundu husi FDCH no suporta husi parseirus hanesan CARDNO hodi fasilita komunidade no Ekipa Jestaun Suku, Chefe Suku, Chefe Aldeia no Extensionista/PPL entre suku ida ho suku seluk hodi fahe esperensia no istoria sucesu ba malu kona-ba implementasaun atividade negósiu ka buka moris iha Munisipiu Bobonaro.
Objetivu husi vizita ba retornu ekonomia basiku/PREB pilotu ne’e partisipa maka atu observa no aprende lisaun foun husi grupu sira iha Munisípiu Bobonaro liu-liu seitor agrikultura nebe iha ona esperiensia ba implementasaun agrikultura modernu iha sira nia natar no to’os.
Suku ne’ebé sai tarjetu ba vizita ne’e mak suku Ritabou, Suku Raifou no Suku Lahomea hanesan :
- Visita plantasaun Kinur iha aldeia aldeia Holihut ne’ebe hetan apoiu husi membru grupu LANAMONA
- Visita natar ho Pratika Agrikultura Diak (PAD) plantasaun husi Assosiasaun Habarak Fini husi MAP/PPL,
- Visita grupu komunidade ne’ebe kuda modo, uja be’e foer modelu Sabi matan (Key Hole) ne’ebe apoia husi NGO Mercy Corps,
- Vizita hakiak karau (Sapi Paron) apoiu husi MAP no oinsá no hare karau nia hahán iha aldeia Utedai.
- Visita mos piloto natar ne’ebe kuda hare sai fos mean iha suku Lahomea,
- Visita ikus mak ba hare hakiak ikan iha suku Ritabou area Colegio Postu Administrativu Maliana no halo diskusaun konaba processu tomak hakiak ikan nia ho Sr. Armindo bele sussesu implementa modelu hakiak ikan individual para bele sustenta nia familia. Partisipante sira interese tebes ho experensia ne’ebe Sr. Armindo fahe. Kolam ikan ne’ebe ezisti hamutuk fatin 16 ho variasaun ikan hanesan ikan Nila, ikan Mujair no ikan Lele Zumbo.
Ekipa sira Antusiasmu Vizita hakiak karau (Sapi Paron) apoiu husi MAP no oinsá no hare karau nia hahán iha aldeia Utedai.
Iha atividade programa Suku Visita Malu ne’e hetan antusiasmu husi partisipante ne’ebé mai husi Munisípiu 3 mak hanesan Munisípiu Covalima, Munisípiu Ermera no Munisípiu Liquisa. Partisipante sira hatudu duni sira nia partisipasaun ne’ebé aás tebes hodi fahe esperiensia no aprende hamutuk liu husi sira nian esperensia ne’ebé sira hetan hodi nune’e bele Habelar ba iha sira nia nia suku iha futuru oin mai, Hametin relasaun no koordenasaun entre Suku no ajensia relevante seluk iha nivel Munisípiu no Posto Adminitrativu no espera katak iha futuru oin mai sira sei bele implementa tuir esperiensia nebe sira hetan.
Partisipa iha suku vizita malu ne’e Diretora PNDS Nasional, Diretor Delegasaun Husi Munisípiu 3 maka hanesan Covalima, Ermera no Liquisa, Ekipa Jestaun Suku husi husi munisípiu 3 inklui mos Chefe Suku no Chefe Aldeia, Fungsionariu PNDS, Asessor husi Agency Cardno nomo’s reprezentante husi Ministeriu agrikultura husi munisípiu Bobonaro.
