Ekipa konjuta husi Sekretariadu Tékniku PNDS husi Munisípiu Lautem no Assesor husi agency Cardno hala’o enkontru konsultasaun ba objetivu monitorizasaun husi Ekipa Nasional.
Iha loron tersa feira 13/02/2018, Ekipa konjuta husi Sekretariadu Tékniku PNDS husi Munisípiu Lautem no Assesor husi agency Cardno hala’o enkontru konsultasaun ba objetivu monitorizasaun husi ekipa Nasional.
Ekipa konjunta ne’e nia objetivu mak atu komfirma, motoriza no hare besik liu atividade servisu kona-ba Sistema MIS, verifika Dokumentus Projeitu Addisional, Lista Alterasaun Faze 1 Siklu 2 no faze 2 Siklu 2 nomo’s halo supervisaun Progresu Uma OPS iha Suku Bauro, Postu Lautem, Munisípiu Lautem no Sistema Keixa.
Funsionariu PNDS Munisipiu Lautem Verifika Hela Dadus MIS Konaba Projetu Adisional no Altersaun.
Iha parte seluk ekipa Enjineru Munisípiu, Fasilitador Tékniku Postu Administrativu nomo’s Diretur Delegasaun Munisípiu Lautem verifika hikas dokumentus Alterasaun nomo’s Adisional ne’ebé maka prepara husi Fasilitador Postu Administrativu hotu.
Ekipa hus mos oinsá sira bele kompleta dokumentus ne’ebé ekipa hare hanesan asinaturas, Data Ezekusaun no Minutas enkontru nune’e bele komprova katak projetu hirak ne’e los. Lista hirak ne’e ekipa konjunta koko hadi’a no hatama iha Sistema MIS ba diskrisaun projetu Alterasaun Addisional no mos relatóriu FAM ba projetu Faze 1 Siklu 2 no Faze 2 Siklu 2.
Iha parte seluk progreso Fisiku Uma OPS Suku Bauro atinji ona 42.21% no ekipa jestaun suku hamutuk ho ekipa Munisípiu prepara hela plano kompras ba material ne’ebé maka sei utiliza iha servisu hirak tuir mai.
