Komunidade Postu Fatumea, Munisipiu Covalima, simu Ministru MAE, Valentim Ximenes, iha Fatumea
Sosializasaun ba programa VII Governo konstitusionál ne’ebé hala’o husi Ministeriu Administrasaun Estatal lidera husi Ministru Administrasaun Estatal, Valentim Ximenes. Iha Munisipiu Covalima, Postu Administrativo Fatumean sosializasaun hala’o iha Salaun Administrasaun Postu Administrativo Fatumea, 22 de Janeiru 2018.
Iha sosializasaun Ministru Administrasaun Estatal, Valentim Ximenes hateten programa ne’ebé estado no Governo Timor Leste persija tau atensaun iha futuru mak programa Inportante hat mak hanesan Desenvolvimentu Seitor Sosial, oinsá mak bele hare kona-ba Idozus, Bolsa de mae, Veteranos,educasaun, saude, no igualdade generu.
Valentim Ximenes hateten programa segundu mak hanesan programa boot ba estado, maka programa Desenvolvimentu iha seitor ekonómiku oinsá bele investe iha seitor lubuk ida ne’ebé bele hamosu reseitas iha futuru, tanba oras nee dadaun Timor Leste dependenti hela ba riku soin mina rai, ba futuru mina sei maran nune’e ita persija halo diversifikasaun ekonomia hodi investe iha seitor turismu, agrikultura no transportes publikus atu nune’e bele hamosu reseitas ne’ebé dura husi tempu ba tempu hodi benefisia povo gerasaun tuir mai iha futuru.
Ministru MAE, Valentim Ximenes Sosializa Programa Governo iha Postu Fatumea, Covalima
Atu alkansa objetivo diversifikasaun ekonomia persija kria kondisaun infraestrutura tanba ne’e terseiru programa ne’ebé governo persija halo maka desenvolvimentu infraestrutura hodi nune’e bele kria kondisaun infraestrutura ida ne’ebé sai hanesan alicerce hodi fasilita desenvolvimentu seitor hotu lao ho diak.
Programa ba dala hat mak modernizasaun insttitusional, oinsá ita bele halo modernizasaun ba administrasaun publika estadu nian ne’ebé liga ho boa governasaun hodi hatur sistema diak no integrado atu bele fasilita serbisu atendimentu ba públiku ho diak liu.
iha oportunidade ne’e mos, Ministru Valentim Ximenes fo sai programa prioridade Ministeriu Administrasaun Estatal nian ba tinan lima mak hanesan reforma administrasaun lokal, liu-liu atu hare hikas lei hirak ne’ebé durante nee la dauk kompletu, persija perpara didiak baze ba desentralizasaun no puder lokal, kompleta lei finansas lokal no elisaun Munisipiu nian, perpara kondisaun ba kuadrus administrative, eleisaun direta, elisaun munisipál no elisaun asemblea munisipál 2022.
Depois aktividade sosializasaun programa Governo nivel Postu iha Postu Fatumea aktividade hanesan hala’o mos iha Postu Hatu’udo Minisipiu Ainaro no Postu Aileu Vila, Munisipiu Aileu.
