Diretora PNDS, Dulce Guterres Junior Akompanha husi Tekniku PNDS monitoriza prosesu kontuksaun uma OPS iha Suku Leolima, Postu Hatu’udu, Munisipiu Ainaro.
Konstrusaun fisiku uma Ofisial Polisia suku ne’ebé identifika ona iha suku 14 iha Munisipiu 12 inklui RAEOA Oecuse oras nee dadaun tama ona iha faze monta estaka no fondasi.
Ekipa destakado ne’ebé koloka husi nivel Nasional atu akompanha prosesu konstrusaun nee fahe ba ekipa hat ne’ebé kompostu husi ekipa ida kobre parte leste mak hanesan Lautem, Viqueque no Baucau, ekipa ida kobre iha parte rai klaran mak Manatutu, Dili no Aileu, ekipa ida seluk kobre iha parte Sul mak Munisipiu Manufahi, Ainaro no Covalima no ida toma konta Bobonaro, Ermera no Liquica. Ekipa hirak nee kada ekipa kompostu husi pesoál funsionáriu mak hanesan enjineiru nain ida akompanha husi kontabilista ida no ekipa sosial ida.
Engineiru Nasional hamutuk ho Sosial Nasional orinta hela badean sira iha suku Ogues, Postu Maukatar, Munisipiu Covalima atu halo tuir dezenhu kontrusaun uma OPS.
Objetivo prinsipál husi destakamentu pesoál tékniku hirak nee atu akompnha fasilitador tékniku no komunidade sira hodi hala’o konstrusaun uma OPS ne’ebé identifika ona iha kada Munisipiu hodi bele finaliza lalais obra uma OPS.
Tuir observasaun media PNDS nian iha tereno nota katak konstrusaun uma OPS tama ona iha faze
monta estaka no hada fondasi, Hanesan kondisaun real iha Munisipiu balun tama ona iha prosesu ke’e fondasi no balun atinji ona to’o iha hada fondasi, espera katak ho esforsu tomak ne’ebé ekipa PNDS halo kontusaun uma hirak nee bele finaliza iha fulan febreiru 2018.
Projetu uma OPS nee hetan apoiu orsamentu husi governo Nova Zelandia ho montante rihun 500 dolar amerikano no implementa tuir sistema PNDS tanba tuir governo Nova Zelandi no Polisia Nasional Timor Leste katak sistema PNDS mak diak no kondis atu bele finaliza projetu nee ho kualidade no tuir padraun no bele akontabilidade ne’ebé transparansia.
-
- Engineiru Nasional, Awal Verdial orienta hela bandaen sira iha Munisipiu Manufahi konaba Estaka Uma OPS iha Suku Betano
-
- Engineiru Nasional hamutuk ho Sosial Nasional orinta hela badean sira iha suku Ogues, Postu Maukatar, Munisipiu Covalima atu halo tuir dezenhu kontrusaun uma OPS
-
- Diretora PNDS, Dulce Guterres Junior Akompanha husi Tekniku PNDS monitoriza prosesu kontuksaun uma OPS iha Suku Leolima, Postu Hatu’udu, Munisipiu Ainaru
