Aprezentasaun Diretora PNDS, Dulce Guterres Junior konaba kontribuisaun PNDS hodi hasa’e rendimentu ekonomia feto Timor Leste
Semináriu kona-ba kotribuisaun Programa Nasionál Dezenvolvimentu Suku Hodi Hasa’e Rendementu Ekonomia Feto iha munisípiu Baucau ne’e hala’o iha salaun enkontru Stae, Munispiu Baucau, 13/09/2017.
Seminariu ne’e hala’o ho objetivu atu fahe esperensia ba malu husi istória ne’ebe diak, susesu no fo oportunidade ba feto maluk sira atu aprende kona ba oinsá PNDS fó tulun ba feto sira hodi hasa’e sira nia vida ekonomia lor-loron no iha tempu hanesan partisipante (grupu feto sira) mós sei lori sira nia produtu ne’ebé durante ne’e produs liu husi kontribuisaun PNDS nian.
Dulce Guterres Junior, nu’udar Diretora Nasional Programa PNDS ne’ebe partisipa iha Seminariu ne’e hatete katak ida ne’e diak tebes ba maluk feto sira tamba bele fahe esperensia no informasaun husi istoria diak para bele motiva maluk feto sira seluk atu hasa’e sira nia kapasidade no enkorajen feto maluk sira hodi kontinua involve an nafatin liu husi partisipasaun barak liu tan iha prosesu tomak hodi bele hadi’a diak liu tan implementasaun programa PNDS iha nivel aldeia no suku.
Iha parte seluk Diretor Delegasaun PNDS Munisípiu Baucau, Lino Frutuoso M. Freitas hatete to ona tempo maluk feto sira atu fahe esperensia no informa ba malu husi istória diak no susesu ne’ebe maluk feto sira hetan durante partisipa no involve an ba dezenvolvimento komunidade iha implementasaun programa PNDS.
Expozisaun Produtu Lokal neebe aprezenta husi inan feto sira iha Munisipiu Baucau
Iha semináriu ne’e mos aprezentasaun husi Reprezentante SEM, kona-ba esperensia SEM iha Dezenvolvimento Socio-Ekonomia maluk feto Timor nomos aprezentasaun husi Programa Tomak, kona-ba papel sociedade sivíl iha dezenvolvimento Socio-Ekonomia feto.
Seminariu ida ne’e hala’o mos Mini Expo ne’ebe hetan entuziazmu tebes husi partisipante sira tanba iha prosesu aprezentasaun nia laran hetan ideia barak no maluk feto sira fahe esperensia lubuk ida kona-ba susesu involvement feto sira nia iha dezenvolvmento komunitariu iha implementasaun programa PNDS iha sira nia suku.
Partisipasaun husi semináriu loron ida ne’e partisipantes hamutuk ema 130 ne’ebe kompostu husi ekipa jestaun suku (EJS), Chefe Suku, Chefe Aldeia, Reprezentante Presidente Autoridade Munisipiu Baucau, Reprezentante SEM, Reprezentante husi Programa Tomak, Rep, Linhas Ministerial munisípiu Baucau, Diretora Nasional PNDS, Diretor Delegasaun Munisipiu Baucau, funsionáriu PNDS Nasionál, Munisípiu no Postu Administrativu, inklui mós Ekipa Suporta Terrenu (Field Support Team (FST)) husi Ajénsia Cardno.
-
- Aprezentasaun Diretora PNDS, Dulce Guterres Junior konaba kontribuisaun PNDS hodi hasa’e rendimentu ekonomia feto Timor Leste
-
- Partisipante sira rona hela aprezentasaun Diretora konaba kontribuisaun PNDS hodi hasa’e rendimentu ekonomia feto Timor Leste
-
- Presidente KPA husi Suku Samalari, Postu Laga fahe esperensia konaba involvimentu iha Programa PNDS
-
- Expozisaun Produtu Lokal neebe aprezenta husi inan feto sira iha Munisipiu Baucau
