Treinamentu ne’e hala’o hodi sosializa mos formatu Tekniku,Finansas no Sosial ne’ebé sei sai hanesan guia ba implementasaun uma ofisiál polísia suku. Sorumutu nee hala’o iha edifisio central PNDS, eis Ministerio das Finansas.
Diretora PNDS, Dulce Guterres Junior halo intervensaun iha treinamentu formatus no jestaun implementasaun uma OPS
Diretora PNDS, Dulce Guterres Junior iha intervensaun hateten treinamentu formatu neebe perpara ona atu ekipa tékniku tantu enjineiru, kontabilista no sosial iha presepsaun ne’ebé hanesan hodi implementa uma OPS iha Munisipiu 12 inklui Regiaun Espesial Oecusse.
Diretora orienta katak iha prosesu implementasaun hahú husi prosesu aprovizionamentu, kuotasaun tengki distribui husi komunidade sira neebe reprejenta husi ekipa jestaun suku atu hare kapasidade komunidade nia hodi implementa uma OPS.
Lider masimu PNDS nee informa katak tempu ba implementasaun nee badak tebetebes tanba nee ekipa Munisipiu sei hetan apoiu husi ekipa hat husi nasionál neebe sei reforsa ekipa Munisipiu atu serbisu ho masimu iha implementasaun uma OPS nee.
Partisipante kompostu husi Enjineiru, Kontabilista no Sosial husi 12 Munisipiu no RAEOA rona hela lalaok formatu neebe sei uza iha implementasaun uma OPS
Orsamentu ba implementasaun uma OPS nee mai husi orsamentu apoiu Governo Nova Zelandia neebe halo ona akordu implementasaun iha fulan kotuk, tuir kalendariu implementasaun iha terenu sei hahú iha loron 16 fulan outobru tinan nee.
Pilotu ba uma OPS nee iha Munisipiu Aileiu sei implementa iha suku Seloi Kraik, Ainaro sei implementa iha suku Leo-lima, Baucau sei implementa iha suku Afaca no suku Tequinomata, Bobonaro sei implementa iha Batugade, Covalima sei implementa iha suku Ogues, Ermera sei implementa iha suku Estadu, Lautem Suku Bauro, Liquica iha suku Leotela, Manatuto iha suku Uma Caduak, Manufahi iha Suku Betano, Oecusse iha suku Bobometo, no Munisipiu Viqueque iha suku Macadique.
