Diretora PNDS, Dulce Guterres Junior Abertura Sorumutu Forum Diskusaun ba Mudansa Politika EJS, iha JL Vila.
Diskusaun kona-ba polítika EJS atuál no proposta mudansa ba polítika EJS hodi liga kona-ba lei suku nian hodi halo alinhamentu EJS ba estrutura suku nian. Forum diskusaun nee hala’o iha JL Villa, Fatuhada Dili (07/07/2017
Iha abertura ba diskusaun proposta mudansa polítika EJS, Diretora PNDS, Dulce Guterres Junior hatete oinsá mak ita bele haforsa kna’ar no responsabilidade EJS iha futuru persija reajusta ba estrutura suku nian, atu nune’e bele sinkroniza serbisu EJS ho estrutura suku nian.
Iha asuntu ne’ebé liga ho implementasaun programa PNDS Diretora PNDS, Dulce Guterres hateten agora dadaun ita tama ona ba prosesu implementasaun PNDS iha governasaun durante tinan lima nian, tanba projetu hotu husi implementasaun programa PNDS persija finaliza iha fulan julhu nian laran atu nune’e molok governo formasau governo foun mai Sekretariado entrega ona relatóriu no rekomendasaun ba implementasaun programa PNDS no ba futuru implementasaun programa nee atu lao oinsá.
Kona-ba failansu balun ne’ebé akontese iha implementasaun programa PNDS iha suku liu-liu konaba EJS sira uja osan ba insentivu, Diretora bolu
Partisipante sira rona hela aprezentasaun konaba proposta Mudansa Politika EJS.
antensaun ba Diretor Delegasaun PNDS atu halo kontrolu no no fiskaliza hodi hare konaba kestaun hirak ne’ebé failha tanba buat ki’ik balun ne’ebé failha iha implementasaun bele fo impaktu ne’ebé la diak ba implementasaun programa PNDS iha futuru.
Diskusaun ba mudansa polítika Ekipa Jestaun Suku (EJS) liga mos ho lei suku nian ne’ebé regula mos kona-ba kna’ar no responsabilidade Chefe suku no Chefe aldeia tuir lei Suku nian. Hola parte iha diskusaun nee, Diretor Delegasaun PNDS sira, Chefe Unidades, Chefe Departamento inklui Diretor Nasional do Suku husi MAE hodi aprezenta mos kona-ba Lei Suku nian hodi halo diskusaun klean atu bele reajusta polítika EJS tuir lei suku nian.
