Komunidade suku Bairo Pite partisipa iha enkontru akontabilidade final.
Atu garantia transparansia no akontabilidade husi ezekusaun orsamentu ba implementasaun programa PNDS, komunidade suku Bairo Pite, postu administrativo Dom Aleixo, Munisipiu Dili realiza enkontru akontabilidade final iha loron 06 fulan Junho 2017. Enkontru akontabilidade ne’e ninia objetivu atu informa ba komunidade suku liu-liu kona ba gastus orsamentu nomós rezultadu projetu ne’ebé komunidade sira finaliza ona.
Tezureiru Suku Bairo Pite Maria Ana Pereira, Aprezenta Deskripsaun konaba Gastus Orsamentu Infraestrutura no Operasional Suku Bairo Pite.
Chefe Suku Bairo Pite, Joâo Batista Da Costa, iha enkontru ne’e informa ba komunidade kona-ba importánsia husi atividade ne’e katak “enkontru ne’e importante tebes ba komunidade liu-liu iha suku Bairo Pite atu rona informasaun husi Ekipa Jestaun Suku (EJS) kona ba gastus orsamentu ne’ebe governu aloka ba suku liu husi programa PNDS”.
Alokasaun subsídiu PNDS ba iha Suku Bairo Pite ho montante US$40,000.00, orsamentu ida ne’e inklui subsídiu rua mak hanesan : US$5,750.00, ba subsídiu Operasional no US$34,250.00, subsídiu Infraestrutura. Enkontru akontabilidade iha suku ne’e refere liu ba ezekusaun orsamentu ba iha item hirak ne’ebé mensiona. Ekipa Implementasaun Programa (EIP) hanesan orgaun importante ne’ebe jere orsamentu suku, hato’o akontabilidade ba komunidade iha enkontru ne’e.
Ekipa Jestaun Suku Aprezenta Papel Ida-idak ninia ba komunidade Suku Bairo Pite.
Subsídiu infraestrutura US$40,000.00, ne’e aloka ba iha projeitu 2, Konstrusaun Tanki Be’e Mos no Kanalizasaun iha Aldeia Timor Knamek ho nia kostu US$7,115.000, no Fura Be’e Mos no Kanlizasaun iha Aldeia Andevil ho nia kustu US$27,135.00, konstrusaun hirak ne’e 100% ramata ona no komunidade sira utiliza tuir nesidades ne’ebé iha. osan restu operasional (US$354.75) no Infraestrutura (US$4,519.35) kompostu husi osan restu husi Suku Bairo Pite Mak US$4,874.10.
Chefe aldeia sira ne’ebé partisipa iha enkontru ne’e sente kontente ho atividade ne’e tamba iha implementasaun programa PNDS la’os deit atu responde komunidade ninia problema dezenvolvimentu maibe kapasita mós komunidade sira atu tur hamutuk no identifika problema dezenvolvimentu iha suku, halo rasik planu no implementa, halo monitorizasaun nomós jere rasik orsamentu ne’ebé Governu aloka liu husi programa PNDS.
Rezultadu husi enkontru ne’e komunidade tomak aseita tamba Ekipa Jestaun Suku hato’o relatóriu tuir prinsípiu programa ninia ne’ebé bele garantia transparansia nomós akontabilidade.
Total partisipante hirak ne’ebé partisipa iha enkontru ne’e mais ou menus iha ema 30 resin, kompostu husi komunidade suku Bairo Pite, lider komunitáriu ho konsellu suku, Ngo lokal nomós Media Nasional. Eventu ida ne’e hetan observasaun direita husi ekipa PNDS nasionál nomós sub nasionál.
