Presidente Autoridade Munisipal, Munisipiu Ermera Jose Martins Abertura atividade Suku vijita malu iha Ermera.
Suku Poetete, Postu Ermera, Munisipiu Ermera nudar suku uma nain ba Atividade suku vijita suku neebe partisipa husi reprejentante suku husi Munisipiu Aileiu, Viqueque, Covalima, Dili no RAEOA, atividade nee halao iha cede suku Poetete 06/06/2017.
Atividade suku vijita malu nee abertura husi Presidente Autoridade Munisipal Ermera, Jose Martins iha abertura Presidente Autoridade Munisipal Ermera hateten atividade suku vijita malu hanesan forum ida atu bele mantein ligasaun entre suku hodi aprende no kampara esperensia implementasaun atividade ne’ebé ligado ho desenvolvimentu iha Suku sira iha baze. Atividade nee nudar pasu inportante hodi bele kria lasu amizade no halakon divizionismu.
Presidente Autoridade Munisipal Ermera akresenta katak implementasaun programa PNDS nudar alternativo ne’ebé governo fo fiar ba komunidade sira atu desenvove sira nia suku rasik, tanba nee husu atu autoridade lokal hanesan chefe suku no komunidade sira atu aproveita oportunidade nee hodi aslera rejolve problema desenvolvimentu iha suku laran ne’ebé sira identifika.
Entretantu Silveiro Amaral, nudar Chefe Suku Bandudato, Munisipiu Aileiu apresia katak atividade suku vijita malu nee hanesan atividade inportante ne’ebé diak atu suku sira bele fahe esperensia ba malu kona-ba implementasaun no prosesu manutensaun iha sira ida-idak nia suku liu husi programa PNDS.
Silveiro Amaral, Chefe Suku Bandudato, Munisipiu Aileu reprejenta suku sira husi Munisipiu Aileu.
Tuir Chefe Suku Bandudatu nee katak Atividade nee mos hanesan meus ida atu lidernasa komunitariu sira bele aprende forsa polítika ne’ebé lideransa husi suku seluk uja hodi gere desenvolvimentu iha suku laran. Esperensia inportante ne’ebé nia sita iha atividade nee maka jestaun operasaun no manutensaun ba obra spesifiku ba bee mos, métodu kobransa hodi bele kolekta fundus hodi bele apoiu manutensaun ba infraestrutura ne’ebé hari tia ona liu husi implementasaun programa PNDS.
Tuir Chefe Suku Bandudato katak esperensia seluk ne’ebé persija tau iha konsiderasaun mak fundus ne’ebé kolekta alende uja ba manutensaun fundus nee mos sira uja mos hanesan kooperativa hodi fo imprestimu ba komunidade sira ne’ebé persija, nee nudar kreatividade ida diak hodi bele aumenta fundus ne’ebé sira iha.
Sesaun inportante rua ne’ebé mak foka iha Sorumutu suku vijita suku mak hanesan Kna’ar EOM no kna’ar GMF ne’ebé estabelese husi Diresaun Aqua e Saneamentu hamosu rekomendasaun husi partisipantes atu bele akumula ekipa rua nee sai ida deit iha Suku atu bele hala’o kna’ar ho diak liu.
