Avaliasaun Annual nivel Munisipiu ne’ebe hala’o iha RAEOA.
Avaliasaun Annual hanesan atividade ne’ebé hala’o hodi hare hikas susesu no dezafiu implementasaun Programa PNDS ne’ebé implementa iha territóriu tomak Iha Região Administrativa Especial Oé-cusse Ambeno (RAEOA) Avaliasaun Annual ba implementasaun PNDS siklus dahuluk hala’o iha salaun enkontru Posto Administrativu Pante Makassar, RAEOA (11/04/2017).
Secretário para a Administração Regional Zona Especiais de Economia Social de Mercado (ZEESM) RAEOA Fransisco Marques, durante implementasaun programa PNDS iha Região Administrativa Especial Oé-cusse Ambeno (RAEOA) katak PNDS nudar programa ida diak tebes hodi ajuda komunidade laos deit sira hetan benefísiu maibé inportante mak oinsá sira bele partisipa no involve an iha prosesu desenvolvimentu no bele ajuda los sira hodi rejolve sira nia difilkuldade ne’ebé sira enfrenta. Iha parte seluk Diretór Delegasaun PNDS Região Administrativa Especial Oé-cusse Ambeno (RAEOA), Sebastiâo Tanesi hatete avaliasaun annual ne’e halo hodi bele hare susesu no dezafiu ne’ebé ita hasoru durante implementasaun. Dezafiu ne’ebé ita hetan sai hanesan referénsia ida ba ita atu diskute no buka solusaun hamutuk iha avaliasaun ida ne’e atu nune’e iha implementasaun programa PNDS siklu tuir mai ita bele hadi’ak diak liu tan.
Diretor Delegasaun PNDS RAEOA, Sebastiao Tanesi apresenta progresu implementasaun PNDS Nivel Munisipiu.
Atividade ikus ba iha sorumutu avaliasaun annual ida ne’e mak fo premiu apresiasaun ba iha Suku melhor sira ne’ebe hare husi aspetu gestaun finansas, social no tekniku. Premiu ba suku manan nain sira mak mobiliáriu hanesan kadeira, Sertifikadu nomos taxa. Meus ida ne’e hanesan motivasaun ida ba suku sira seluk atu kompete liu tan iha implementasaun programa PNDS iha siklu tuir mai.
Suku melhor iha implementasaun programa PNDS iha Região Administrativa Especial Oé-cusse Ambeno (RAEOA), iha tinan 2016 mak hanesan Suku Banafi Posto Administrativu Nitibe, Suku Bobokase Posto Administrativu Pante Makassar no Suku Usi-Taqueno Posto Administrativu Oesilo.
Total Partisipante husi avaliasaun annual PNDS mais ou menus ema 60 nolu resin, kompostu husi Secretário para a Administração Regional Zona Especiais de Economia Social de Mercado (ZEESM) RAEOA, Administradór Postu Administrativu, Chefe Suku no Konsellu Suku, Ekipa Jestaun Suku, Ekipa PNDS Nasional nomos Munisipál no inklui ekipa apoiu PNDS husi Cardno no linha sektorais.
-
- Reprejentante husi Autoridade RAEOA, entrega Premiu Apresiasaun ba Suku Bobokase, Postu Pante Makasar hanesan Manan Nain Segundu Lugar
-
- Diretor Delegasaun PNDS, RAEOA entrega Premiu Apresiasaun ba Suku Usi-Taqueno, Postu Administrativo Oesilo hanesan Manan nain Terseiru Lugar
-
- Chefe Unidade Operasional PNDS, Rosito Guterres, entrega Premiu Apresiasaun ba Suku Banafi nudar suku manan nain primeiru lugar husi Postu Administrativo Nitibe
