Komunidade Aldeia Taiblor, Suku Bandudato Postu Aileu Vila Halao enkontru Alterasaun Projetu Estrada rural iha Aldeia Taiblor.
Projetu estrada rural ne’ebé lokaliza iha aldea Taiblor, Suku Bandudato, Postu Aileu Vila, Munisipiu Aileu hanesan prioridade ne’ebé komunidade sira deside hodi konstrui iha aldea Taiblor, projetu nee rasik ho distánsia 119 metru ho orsamentu rihun 17.351.
Orsamentu ne’ebé aloka ba projetu nee sei iha restu barak, ho nune’e mak komunidade sira deside hodi halo enkontru altersaun hodi hadiak estrada refere ho kualidade ne’ebé diak no dura ba tempu naruk.
Nune’e liu husi enkontru entre komunidade no EJS Suku Bandudatu komunidade sira deside hodi aumenta estrada ne’ebé ateru ho rai atu halo alterasaun konstrusaun ho estrada beton.
Tuir Chefe Ekipa Jestaun Suku, ne’ebé toma konta kona-ba projetu nee imforma katak, orsamentu ne’ebé aloka ba projetu nee sei restu barak, nune’e mak hamutuk ho komunidade ami realiza enkontru nee atu aumenta konstrusaun estrada nee hoc or estrada beton .
Estrada Rural iha Aldeia Taiblor neebe komunidade halao enkontru Alterasaun atu aumenta Estrada Beton.
Nune tuir chefe aldea Taiblor, Americo Martins prioridade estrada nee sira deside hodi konstrui tanba durante nee komunidade sira difisil atu bele lori sira nia produtu lokal husi knua mai faan iha estrada Nasional Diresaun Aileu Maubesi, tanba nee mak sira deside konstrui estrada rural nee bele fasilita komunidade sira bele faan produtu lokal.
Tuir chefe aldea, enkontru alterasaun ne’ebé sira halo hanesan asaun diak ida, atu nune’e bele konstrui estrada nee dura ba tempu naruk. Husi asaun ne’ebé komunidade sira halo nudar asaun diak hodi bele konstrui estrada rural nee ho kualidade diak tanba sira rasik mak sei sai hanesan nain no benefisiáriu ba projetu nee iha futuru.
