Diretor Geral Desentralizasaun Administrativa do MAE, Abilio Jose Caetano halao abertura treinamentu Plano Investimento Integrado Munisipal (PIIM) iha Salaun Enkontru MSS, Caicoli Dili.
Treinamentu ba Plano Investimentu Integrado Munisipal nee hala’o iha Salaun enkontru Ministeriu Solidaridade Sosial, Caicoli Dili 24/02/2017. Treinamentu Plano investimentu integrado Munisipal nee ho objektivo atu bele halo sperasaun ba plano investimentu Integrado Munisipal liu husi mekanismo programa nasionál desenvolvimentu suku.
Objektivo prinsipál husi treinamentu nee atu fo koineshementu ba autoridade lokal sira hodi fasilita enkontru iha nivel postu, to’o iha Munisipiu hodi diskuti proposta projetu ne’ebé propoin husi identifikasaun prioridades husi aldea ba suku hodi hato’o ba Administrador Postu.
Partisipa iha treinamentu nee mak, Administradór postu no fasilitador sosial postu administrativo hodi bele fasilita komunidade sira iha nivel aldea atu bele identifika prioridade aldea nia hodi submete ba iha suku no kontinua haruka ba postu administrativo, husi proposta determinasaun prioridades hirak ne’ebé komunidade sira propoin sei hetan aprovasaun iha munisípiu hafoin haruka ba nivel nasionál hodi tau hanesan Plano Investimento Integrado Munisipal iha tinan 2018.
Diretora PNDS, Dulce Guterres Junior, Aprezenta Mekanismo Implementasaun Programa PNDS, neebe sei adapta iha implementasaun (PIIM), oinsa Autoridade Sira bele fasilita enkontru identifikasaun prioridade Suku.
Treinamentu nee involve mos administradór Munisipiu no Presidente Autoridade Munisipal sira ho intensaun atu autoridade masimu iha Munisipiu sira bele hapa’ar diak ho programa nee.
Hafoin identifika projetu iha nivel aldea no suku sei haruka ba iha nivel postu ne’ebé automatikamente sei haruka proposta rua husi PNDS no proposta tolu seluk sei diskuti liu husi Plano investimentu integrado Munisipal.
Proposta hirak nee hafoin haruka husi suku ba iha postu administrativo, ekipa husi Postu ne’ebé lidera husi administradór Postu sei identifika proposta liu husi diskusaun komisaun iha Postu no sei haruka ba iha Munispiu inklui proposta projetu rua kada sektoral.
