Kolam Hakiak Ikan neebe hetan Fornesementu bee husi Irigasaun Suku Lalawa, Salele Bo’ot.
Irigasaun Ne’ebé konstrui ho orsamentu PNDS iha Suku lalawa aldeia salele boot, postu Tilomar, Munisipiu Covalima benefisia komunidade sira hodi hasa’e redimentu ekonomia familia.
Subsídiu Orsamentu PNDS ne’ebé atu konstrui irigasaun nee ho montante orsamentu $31.218 dolares Amerikano. Madalena Moniz, nudar Ekipa Jestaun Suku, ne’ebé jere orsamentu nee afirma katak husi total alokasaun orsamentu ba irigasaun nee sira gasta deit rihun $27.000 dolares amerikano hodi konstrui irigasaun nee no sei iha popansa osan balun ne’ebé iha hela konta bankaria suku nian, tuir EJS suku Lalawa, Postu Tilomar nee katak mesmu ho osan ne’ebé kiik maibé sira bele halo irigasaun ida kee boot no bele responde nesesidade komunidade nian kona-ba fornesementu bee ba produsaun agrikola.
Produtu Lokal Pateka neebe produs lori irigasaun Suku Salele bo’ot.
Iha parte seluk Januariu Oliveira Lino nudar agrikultór afirma katak irigasaun nee desde tempu ukupasaun to’o tempu ukun an la konsege hetan atensaun governo, hafoin programa PNDS tama iha suku refere, mehi komunidade atu hadia irigasaun nee bele realiza.
Hanesan agrikultór, Januariu Oliveira sente kontente tamba ho apoiu husi orsamentu PNDS sira nia irigasaun bele konstrui hodi fasilita tebes sira hala’o produsaun ba produtu lokal hanesan, pateka, Modo, hakiak ikan no utuliza ba halo natar.
ho irigasaun nee agrikultór sira iha suku refere sente iha mudansa rendimentu ekonomia familia uma laran, tanba husi produsaun aihan lokal hirak nee, sira bele faan ba merkado.
Tuir komunidade sira atu mantein kontinuasaun produsaun aihan lokal hirak nee, governo liu husi implementasaun programa PNDS, atu kontinua tau atensaun hodi hadi’a diak liután irigasaun nee bele salva sira nia plantasaun iha tempu udan tanba iha tempu udan akontese mota boot ne’ebé bele estraga plantasaun.
-
- Komunidade sira kontenti ho rezultadu ne’ebe sira hetan husi Konstrusaun Irigasaun ne’e.
-
- Irigasaun Aldeia Salele Bo’ot, Suku Lalawa, Postu Administrativu Tilomar-Covalima
-
- Komunidae fo han hele ikan ne’ebe sira hakiak
-
- Kolam Hakiak Ikan neebe hetan Fornesementu bee husi Irigasaun Suku Lalawa, Salele Bo’ot
-
- Irigasaun iha Aldeia Salele bo’ot, Suku Lalawa, Postu Tilomar, Munisipiu Covalima neebe kontrui ho Orsamentu PNDS.
-
- Produtu Lokal Pateka neebe produs lori irigasaun Suku Salele bo’ot
