Administador Interino Munisipiu Covalima abertura enkontru Avaliasaun Annual Programa PNDS Munisipiu Covalima (14/02/2017).
Avaliasaun Annual ba implementasaun Programa PNDS iha Suku tolu nulu ne’ebé partense ba Munisipiu Covalima hala’o iha salaun Enkontru Administrasaun Munisipal Covalima ( 14/02/2017)
Administrador Interino Munisipiu Covalima, Afonso Nogueira Nahak iha nia intervensaun abertura ba avaliasaun annual nee hateten prezensa programa PNDS iha Munisipiu Covalima durante tinan hat mesmu hasoru difikuldade iha kestaun oi-oin iha implementasaun maibe husi prezensa PNDS fo duni resposta imediata ba difikuldades ne’ebé komunidade sira hasoru.
Tuir Administrador Munisipiu Covalima katak ho prejensa PNDS, komunidade sira bele identifika no rejolve rasik sira nia difikuldades husi sectoral ne’ebé sira enfrenta, nune’e prezensa PNDS iha Covalima Koresponde no diminui ona difikuldades husi komunidade sira iha seitor balu-balun.
Ho nune’e iha oportunidade nee Administrador Munisipiu Covalima Afonso Nuguera husu ba Autoridade lokal sira hanesan administradór do Postu, no Chefe suku sira atu bele akompanha avaliasaun nee hodi apar didiak implementasaun programa nee hodi hadi’ak liután implementasaun programa nee iha futuru.
Administrador Munisipiu Covalima, Afonso Nogueira Nahak (parte Segundo husi Liman Karuk ) Akompanha husi Chefe Departamentu Implementasaun Programa PNDS no Diretor Delegasaun PNDS Munisipiu Covalima abertura enkontru Avaliasaun Annual iha Munisipiu Covaliama.
Iha oportunidade hanesan Diretor PNDS Covalima, Filipe Cardoso Viera informa katak avaliasaun nee hanesan aktividade importante tanba involvimentu autoridade lokal no reprejentante sectoral sira hodi hare hikas implementasaun programa PNDS iha tinan 2016 iha suku 30 Munisipiu Covalima.
Rejultado husi avaliasaun nee, mak mosu rekomendasaun husi autoridade lokal sira no linha sektoral sira atu avaliasaun annual persija halo mos iha baze ne’ebé involve mos linha sektorais sira sai hanesan avaliador, No sujere mos iha futuru auditorio tékniku husi ekipa independen internasional atu involve mos sektorais sira.
