Marcio J. Marcal, hanesan Chefe Departamentu Implementasaun apresenta hela rezultadu implementasaun programa PNDS 2016 ninia ba partisipantes.
Avaliasaun annual ba implementasaun programa PNDS iha Munisipiu Aileu iha tinan 2016 hala’o iha salaun Timor Klaran Aileu Vila (06/12/2016)
Diretor Delegasaun PNDS Munisipiu Aileu, Abel da Conceicao informa katak avaliasaun nee hanesan Avaliasaun anualmente ne’ebé hala’o kada tinan atu bele hare progresu no dejafiu iha implementasaun programa PNDS durante tinan tomak.
Tuir Diretor Delegasaun katak husi avaliasaun nee mak ita bele diskute progresu no dezafiu neebe ita hasoru durante implementasaun tanba husi dezafiu no progresu neebe ita hasoru maka ita bele hetan referénsia no informasaun neebe sai hanesan lisaun ba implementasaun programa PNDS iha tinan tuir mai.
Abel da Conceicao, hanesan Diretor PNDS Munisipiu Aileu, fo hela informasaun ba media nasional ne’ebe halo kobertura
Abel da conceicao informa mos katak iha Munisipiu Aileu durante tinan 2016 implementa projetu hamutuk nen nulu resin husi fase tolu mak hanesan fase 2 fase 3 no fase 2 siklus 1.
Iha parte seluk Presidente Autoridade Munisipal Aileiu, Joao Tilman do Rego konsidera Implementasaun programa PNDS iha Munisípiu Aileu hetan susesu boot tanba iha kooperasaun diak entre komunidade no Ekipa Jestau Suku hodi implementa Projetu ne’ebé sira rasik deside atu hala’o iha sira nia suku. Nune ba futuru persija kaer metin prinsípiu kooperasaun ne’ebé iha hodi alkansa desenvolvimentu iha suku laran.
Alende hala’o avaliasaun Iha oportunidade nee mos Autoridade PNDS Munisipiu entrega mos sertifikado apresisaun ba Suku ne’ebé meliorhamentu iha implementasaun programa PNDS iha Aileu mak hanesan Suku Fadabloku, suku Bandudato no Suku Manucasa.
