Diretora PNDS Halo Intervensaun hodi Ensera Treinamnto ba Enjineiru no FST iha Salao ETDA, Dili
Treinamentu husi enjineiru PNDS Nasional no Munisipiu iha area beé moós no estrada rural hala’o durante loron hat iha ETDA, Dili (07/11/2016.
Formasaun ne’e hanesan Formasaun refresku iha area beé moós no estrada rural atu bele aumenta koineshementu enjineiru iha area beé moós no estrada rural. Objetivu husi formasaun ne’e maka atu haree fila fali kona-ba problema ou dezafiu sira ne’ebé durante ne’e mosu iha implementasaun projeitu PNDS liga ba beé moós no estarada rural.
Alende ne’e, atu aumenta liutan koñesimentu no abilidade tekniku enjineiru sira nian. Razaun fundamentu hodi foka iha area rua ne’e tanba maioria projeitu ne’ebé komunidade sira deside no implementa maka beé moós no estrada rural.
Chefe Departemento Implementasaun Programa PNDS Entrega Sertifakdu ba Partisipante Enjineiru
Rezultadu esperadu husi formasaun ne’e maka enjineiru PNDS sira bele kompleta formasaun durante loron hat ne’e ho partisipasaun masimu no bele responde ba sira nia problema ne’ebé durante ne’e hasoru iha implementasaun projeitu PNDS iha nivel komunidade. Rezultadu seluk maka enjineiru sira bele iha koñesimentu no abilidade, hodi aplika formasaun ne’ebé hetan ona no bele transfere fali koñesimentu sira ne’e ba Fasilitador Tekniku Postu-Administrativu sira hodi nune’e bele asegura kualidade projeitu PNDS.
Hafoin remata formasaun durante loron hat iha serimoria ensera treinamentu hodi entrega mos sertifikado ba partisipante sira, Diretora PNDS Dulce Guterres Junior hateten ”formasaun ne’e importante tebes ba imi hodi bele fo asintesia ba beé moós no estrada rural iha munisípiu ida-ida.
Total partisipante ne’ebé partisipa iha formasaun ne’e hamutuk ema nain 28 kompostu husi mane 24 no feto 4. Husi total partisipante nain rua Fasilitador Tekniku Postu Administrativo. Treinadór ba formasaun ne’e mak asesor enjineiru PNDS nian hamutuk ho FST enjineiru sira. Ne’ebé Formasaun ne’e sei hala’o durante loron hat hahú huis husi loron 7 – 11 Novembru 2016.
