Administrador Munisipiu Liquisa, Dominggos da Conceisao Akompanha husi Chefe Unidade Operasional PNDS hamutuk ho Diretor Delegasaun Munisipiu Liquisa Lança Implementasaun Programa PNDS faze I siklu 2, iha Postu Maubara.
Implementasaun programa PNDS iha Munisípiu Liquisa ba faze I siklu segundo ofisiál lança husi administradór Munisípiu Liquisa, Dominggos da Conceisao, (01/07/2016)
Ho lansamentu nee, prioridade hirak ne’ebé komunidade propoin iha implementasaun programa PNDS fase I siklu segundo hahú implementa iha Munisípiu Liquisa.
Administradór Munisípiu Liquisa, Dominggos da Conceisao iha nia intervensaun hateten Programa Nasionál Desenvolvimentu Suku hanesan baze ba desentralizasaun, tanba mekanizmu no prosesu desentralizasaun la’o dadauk ona iha komunidade nia leet, defaktu hatudu projetu hotu-hotu ne’ebé implementa hahú husi planeamentu, jestaun no implementasaun komunidade rasik mak halo.Tanba nee, kontribuisaun komunidade nian sai hanesan indikador fundamentál hodi hala’o desenvolvimento ho di’ak, responsabilidade no dignidade.
Iha nia intervensaun, Chefe Unidade Operasional PNDS, Rosito Guterres apresia ba administradór
Lia nain Postu Maubara Vila halao hela hamulak ba lulik hodi husi licensa Implementasaun programa PNDS iha Postu refere.
Munisípiu ne’ebé ativo tebes ho implementasaun programa PNDS, reprezenta nivel Nasionál apresia tebes implementasaun programa PNDS ne’ebé lansa ona primeiru pedra, hanesan primeiru pedra implementasaun faze I Siklu 2 iha territóriu tomak.
Chefe Unidade Operasional Programa PNDS nee, salient liu katak husi lista projetu ne’ebé iha projetu hotu-hotu tenke bazea ba estudu biabilidade hodi fo impaktu direita ba kondisaun sosiu ekonómiku komunidade nian.
Rosito Guterres informa liután prosesu implementasaun iha Munisipiu Liquisa lalais liu entre Munisipiu hotu neebe implementa programa komunitariu nee, konaba progresu implementasaun, iha observasaun geral husi Nasional, iha Liquisa programa no gestaun no mekanizmu implementasaun la’o lalais tanba nee mak lisaun implementasaun iha siklu tinan kotuk espera komunidade no ekipa jestaun suku (EJS) bele hadi’ak liu tan siklu daruak agora no iha futuru.
