Iha loron 3 Fulan Junho 2016, Sekretariadu Tekniku Programa Nasional Dezenvolvimento Suku liu husi Direitora Nasional PNDS, entrega Sertifikadu ba Fasilitador Tékniku Postu ne’ebé tuir Treinamentu kona-ba Planeamentu no jestaun obra ba projetu Sistema beé mos hodi instala Sistema bomba beé elétriku, ne’ebé hala’o iha Centro Nasionál de Emprego e Formaçáo Profissional Tibar (CNEFP-Tibar).
Diretora PNDS, Dulce Guterres Junior, Enzera Treinamento Fasilitador Posto Administrativu kona-ba Gestaun Obra iha Centro Treinamento Tibar
Iha enserramentu ne’e, Direitora PNDS, enkoraja fasilitadór tékniku sira atu servisu maka’as hodi nune’e bele asegura implementasaun programa PNDS.
“Treinamento ne’e importante tebes para imi bele aplika skill ne’ebé imi hetan para bele fo asistensia ba komunidade sira ne’ebé presija imi nia ajuda”, Dulce Guterres Junior, Direitora PNDS.
Programa treinamentu ida ne’e hetan apresiasaun husi partisipante sira, tanba bele dezenvolve tan kapasidade liu-liu iha area tékniku, atu nune’e sira bele fasilita komunidade sira hodi asegura implementasaun programa PNDS iha Suku hotu.
“Ami apresia tebes ba treinamentu ne’e tanba bele aumenta tan ami koñesimentu, espesífiku liu iha area tékniku oinsá
Partisipante Husi Fasilitador Postu Administrativu Rona Esplikasaun Husi Diretora PNDS Nasional
formula planu no jestaun kona-ba obra liu-liu ba Panel Listrik no Bomba Beé ida ne’ebé komunidade atu hari’i”, Rui Lopes, Fasilitador Tékniku Postu Administrativu Fatumean, Munisipiu Covalima.
Diretora PNDS Nasional Entrega Sertikadu Treinamento ba Partisipante Sira
Iha serimónia enseramentu ne’e partisipa mós Direitor Nasional Formasaun Profesional, Ejino Ferreira hanesan reprezentante husi Secretario do Estado para Politika, Formasaun Profisional do Empregu (SEPFOPE), iha ninia intervensaun hatete “ Imi tengke hatudu imi nia matrudidade, resposilibidade no hadomi imi nia skill ne’ebé imi hetan ona tan husi skiil ne’ebé imi hetan bele fasilita imi nudar fasilitador ba komuniadade iha treinu”.
Treinamentu ne’e la’o durante semana rua nia laran, total partisipante sira ne’ebé partisipa iha treinamentu ne’e hamutuk ema 35, FTPA hirak ne’e mai husi Munisípiu 12 ho Região Administrativa Especial Oé-cusse Ambeno (RAEOA), liu-liu iha Postu Administrativu ne’ebé ninia suku implementa Programa PNDS iha faze 2.
Treinamentu ida ne’e realiza ho susesu tanba hetan apoiu finanseiru husi governu Timor Leste no DFAT nudar parseiru ne’ebé durante ne’e fo apoiu ba governu timor leste liu husi programa nasional dezenvolvimentu suku.
