Sr. Adelino Gomes husi Dirasaun Servisu Agua, Postu Administrativo Atsabe, partisipa hela iha Audit ba projetu PNDS neebe halo husi Ekipa Independen
Ponte Kanal ba Irigasaun iha Suku Tiarlelo Postu Administrativo Atsabe, Munisipiu Ermera.
Implementasaun programa PNDS iha projetu ponte kanu bee ba irigasaun iha Suku Tiarlelo, Postu Administrativo Atsabe, Munisipiu Ermera hetan rezultado diak tanba iha linha koordenasaun diak ho Dirasaun Servisu Aqua, Postu Administrativo Atsabe nian.
Linha koordenasaun diak nee lao, tanba iha mos esforsu makas husi fasilitador tekniku PNDS iha Postu Administrativo neebe halo koordenasaun diak ho parte SAS atu nunee projetu bee mos neebe ligado ho seitor relevante bele lao tuir padraun. Koordenasaun iha parte tekniku ho seitor relevante inportante bele diskuti no apar iha implementasaun projetu padraun seitor relevante.
Wainhira dadalia ho Adelino Gomes, neebe halao knar nudar fasilitador tekniku SAS nian iha Postu Administrativo Atsabe, Adelino hateten implementasaun programa PNDS iha Postu ida nee hahu husi inisiu hau akompanha prosesu tomak, hahu husi planeamentu, implementasaun no prosesu hari grupo manutensaun nian.
Tuir Adelino Gomes objetivo principal husi akompanhamentu neebe nia halo hanesan meus oinsa bele apar padraun tekniku PNDS nian ho Ponte Kanal ba Irigasaun ho distancia Metru 20 iha suku Tiarlelo Postu Administrativo Atsabe, Munisipiu Ermera padraun Tekniku Dirasaun Nasional Servisu Aqua (DNSA)
Ponte Kanal ba Irigasaun ho distancia Metru 20 iha suku Tiarlelo Postu Administrativo Atsabe, Munisipiu Ermera
Entretantu tuir Julia de Jesus Gomes nudar Fasilitador Tekniku PNDS postu Administrativo Atsabe hateten akompnhamentu senhor Adelino Gomes,hanesan mestri boot ba sira hodi fahe mos esperensia neebe bele ajuda sira hodi fo apoiu konaba halo dezenha ba sistema bee mos, no mos supervizaun ho diak tuir Padraun PNDS no Padraun SAS nian.
Husi linha koordenasaun neebe halo ho seitor SAS nia iha Postu Administrativo Atsabe, ita bele nota katak koordenasaun ho seitoral relevante iha implementasaun programa PNDS hanesan savi importante atu halo susesu implementasaun programa PNDS tuir padraun tekniku seitor relevante sira. Nunee linha koordenasaun ho seitor relevante neebe akontese iha Postu Administrativo Atsabe, sai hanesan ijemplu koordenasaun ida diak no atu postu hotu-hotu hodi banati tuir atu implementa projetu komunitariu iha Programa PNDS espesial no engeral Programa hotu governo nian iha baze (suku).
