Direktur Executivo Fongtil, Arsenio Pereira hamutuk ho Chefe Unidade Implementasaun Programa PNDS, Rosito Guterres abertura worhsop ho sosiedade sivil iha Fontil.
Sorumutu ida ne’e hanesan atividade trimestral ho Sosiedade Sivíl sira, ho nia objetivu atu introdus progresu implementasaun Programa PNDS ne’ebé atinji ona durante ne’e, Sorumutu refere hala’o iha Salaun enkontru Fongtil, Caicoli-Dili (18/05/2016).
Iha abertura ba sorumutu nee, Diretór Ezekutivu Fongtil, Arsenio Pereirra, hateten : “Programa Nasionál Dezenvolvimentu Suku hanesan programa komunitáriu ne’ebé sai hanesan exemplar ba programa hotu ne’ebé governu halo, tanba programa nee hahú husi ninia planu, deside prioridade, to’o implementasaun komunidade sira mak implementa rasik.” Tanba nee, nia sujere atu programa dezenvolvimentu hotu ne’ebé governu implementa iha baze presija banati tuir mata dalan ne’ebé PNDS utiliza, hodi nune’e bele fo oportunidade ba komunidade hotu atu bele partisipa iha prosesu dezenvolvimentu nasionál. Tanba pratikas dezenvolvimentu hanesan PNDS mak prosesu dezenvolvimentu ne’ebe hahu husi kraik.
Iha sorumutu ne’e ekipa tékniku husi PNDS, halo apresentasaun liu-liu kona ba progresu implementasaun programa PNDS ne’ebé atinji ona durante ne’e, hafoin remata apresentasaun, partisipante sira atntuzias tebes hodi hato’o sujestaun nomos rekomendasaun ba iha sekretariadu tékniku PNDS atu nune’e bele hadi’ak liu tan prosesu implementasaun programa PNDS iha tempu tuir mai.
Partisipante sira rona hela aprejentasaun progresu implementasaun programa PNDS husi Tekniku PNDS iha Fongtil.
Sorumutu ida ne’e hanesan komitmentu ida entre sekretariadu tékniku PNDS ho FONGTIL atu fo informasaun ba malu. ST-PNDS iha devér atu distribui informasaun tomak kona-ba programa, no sosiedade sivíl iha devér atu kontrolu nomos fo solusaun kona ba dezafius ne’ebé teknikamente ekipa tékniku sira hasoru iha terrenu.
Partsipantes iha worshop ne’e hamutuk ema tolunulu liu, mai husi NGO nasional nomos NGO internasional ne’ebé hala’o nia servisu iha Timor Leste.
