Programa suku vijita malu nudar aktividade estudus komparativu ne’ebé konsentra iha Suku, aktividade nee realiza nudar meus ne’ebé sekretariado
Ekipa Jestaun Suku Husi Suku Bandodato, Munisipiu Aileu halao Aprejentasaun konaba Lalaok Implementasaun Programa PNDS Iha Suku Bandodato Nian.
Nasional PNDS halo hodi fasilita Ekipa Jestaun Suku inklui chefe Suku husi Suku ida ho Suku seluk hodi bele vijita malu, Programa Suku vijita malu ba daruak iha munisípiu Aileu hala’o durante loron tolu hahú iha 18/04/2016.
Objektivo prinsipal husi programa Suku vijita malu nee, mak atu Ekipa Jestaun Suku bele fahe hanoin ba malu tuir ida-idak nia esperensia, liu-liu kona-ba lalaok implementasaun PNDS iha sira nia Suku hodi diskuti, oinsá EJS bele fasilita komunidade sira hodi hili prioridades, oinsa kontribuisaun volontariu komunidade nian, oinsá koordenasaun ekipa jestaun suku no autoridade lokal, oinsá kapasidade EJS jere orsamentu no kestaun seluk ne’ebé ligado ho implementasaun progaram.
Ekipa Jestaun Suku no Chefe Suku Sira neebe halao Programa Suku Vijita Malu iha Munisipiu Aileu, halao Observasaun ba Projetu Irigasaun Iha Suku Lahae
Programa suku vijita malu ne’ebé hala’o iha munisípiu Aileu hanesan aktividade ne’ebé envolve Ekipa Jestaun Suku husi suku hirak ne’ebé partense husi Munisipiu Manatutu no Ermera. Aktividade prinsipál husi programa nee mak aprejentasaun husi EJS Suku Bandodato kona-ba lalaok implementasaun PNDS iha suku refere inklui vijita mos irigasaun iha Suku Lahae ne’ebé konstrui husi komunidade ho orsamentu PNDS.
Husi programa estudus komparativu ka suku vijita malu nee, ekipa jestaun suku sira rekomenda katak ba futuru programa suku vijita malu persija tau atensaun mos ba partisipasaun masimu Ekipa Jestaun Suku, suku vijita malu laos hare deit suku ne’ebé suksesu maibe persija hare mos suku ne’ebé ladun susesu iha implementasaun programa PNDS.
