Diretora PNDS, Dulce Guterres Junior Abertura Treinamentu Loron 5 ba Kontabilista Munisipiu iha ETDA Dili, 04/004/2016
Treinamentu kona-ba prinsípiu no prosesu aprovizionamentu ba kontabilista Munisipiu sira hala’o iha ETDA, Dili hahú husi loron 04/-08/04/2016. Treinamentu nee rasik partisipa husi Kontabilista husi Munisipiu 12 inklui kontabilista regiaun espesiál oecusse.
Objetivo prinsipál husi treinamentu refere mak atu kontabilista sira iha koineshementu klean kona-ba oinsá halo prosesu aprovizionamentu ne’ebé diak, no formando sira sei sai formadores hodi fo treinu ba fasilitador finansa postu administrative.
Diretora PNDS, Dulce Guterres Junior iha nia intervensaun hodi abertura treinamentu nee husu ba partisipante sira atu aproveita diak oportunidade durante loron lima iha treinamentu, hodi bele aumentu sira nia koineshementu kona-ba oinsá halo prosesu aprovizionamentu ne’ebé los.
Iha parte seluk Diretora informa mos katak hahú iha fulan junho tinan nee diresaun nasionál hamutuk
Partisipante Sira Rona hela Intervensaun husi Diretora Dulce Guterres Junior
ho asesoria koko atu fo asistensia ba kontabilista Munisipiu sira oinsá bele halo prosesu aprovizionamentu liu-liu oinsá halo prosesu pagamentu, prosesu CPV no seluk tan nee ligado ho finansas, Atu nune’e fasil ba kontabilista sira atu hala’o knar finansas iha futuru bainhira dezentraliza knar nee too iha munisípiu. Tanba nee, hahú agora tengki koko atu halo ligasaun ho administradór no linha sectoral sira iha Munisipiu atu bele ajuda knar kontabilista ho diak iha tempu agora no futuru.
Molok abertura treinamentu nee diretora fo samada atensaun ba partisipante sira atu serbisu ho professional hodi la mete ba interese pesoál ou interese partidaria wainhira hala’o hela knar nudar fungsionariu públiku hodi servi deit interese komún ou komunidade.
