Gina Braz, nu’udar Xefe ekipa, halo hela introdusaun kona ba sosializasaun programa PNDS
Sosializasaun ida ne’e hahú iha nivel Munisípiu ho nia objetivu atu informa ba autoridade munisípiu, postu administrativu, lider komunitáriu, konsellu suku, ekipa jestaun suku nomos sosiedade sivíl sira kona ba mata dala implementasaun programa PNDS iha tinan 2016. Sosializasaun ida lansa ofisiál iha kapitál Munisípiu inklui Região Administrativa Especial Oé-cusse Ambeno (RAEOA), hahú iha loron 29 Febereiru no remata iha loron 2 fulan Marçu 2016.
Sr. Jose Pina, Administradór Munisípiu Covalima, iha nia intervensaun akresenta katak programa PNDS hanesan pratika konkretu ida atu kria kondisaun ba iha munisípiu hotu atu simu polítika desentralizasaun iha futuru mai.
“PNDS hanesan programa importante ba Munisípiu, tanba programa ida ne’e nia lala’ok atu prepara Munisípiu ba iha desentralizasaun”. Jose Pina, Administradór Munisípiu Covalima.
Iha parte seluk sr. Jacinto Babo, nu’udar Xefe Suku Ponilala, husi Postu Administrativu Ermera, Munisípiu Ermera, apresia tebes ba programa PNDS, tanba programa ida ne’e bele responde ejijénsia dezenvolvimentu mai husi komunidade no fo benefísiu direita ba iha komunidade, liu-liu oinsá prepara planu, determina prioridade, implementa no maneija rasik subsídiu suku ne’ebé governu aloka ba suku hotu.
Maria Fatima, hanesan Xefe Suku, fo apresiasaun ba implementasaun programa PNDS iha nia suku
“Ami agradese no kontente ba programa PNDS ne’ebé tama iha ami nia suku, liu husi programa ne’e ami konsege halo projetu Rehabilitasaun Klínika no dada bee mos ba komunidade.” Jacinto Babo, Xefe Suku Ponilala.
Sosializasaun tinan ida ne’e hanesan ho atividade sosializasaun iha tinan kotuk, bazikamente informasaun ne’ebé aktualiza iha sosializasaun ne’e liga liu ba iha rejime regulatoriu implementasaun programa PNDS iha VI Governu Konstitusionál :
- Diploma Konjuntu nu.86/2015/MAE/MPIE, Jestaun PNDS, ezerse em koordenasaun no Konjuntu husi MAE no MPIE
- Dekretu-Lei Nú. 30/2015, 26 Agostu, 1.ª alterasaun ba Dekretu Lei PNDS Nú. 08/2013.
- Diploma ministerial nu. 327/2015 9 Outobru 2015, Kria Unidade téknika apoiu ba Komisaun Revizaun Téknika (KRT) Projetus nian ba PDIM no PNDS,
- Diploma Ministeriál Nú 436 /2015, de 23 Dezembru 2015, Identifikasaun Seitor no Atividades ba PDIM no PNDS (Menu Indikativu)
Manuel da Silva, nu’udar aprezentador, aprezenta hela materia sosializasaun ba partisipantes
PNDS mak hanesan programa nasionál husi Governu Timor Leste atu hakbíit komunidade liu husi fó oportunidade ba komunidade atu halo planu, dezeñu, implementa rasik infraestrutura báziku ho eskala ki’ik, jere orsamentu no halo manutensaun. Partisipasaun iha PNDS loke ba komunidade tomak inklui ema ho defisiénsia, ferik, katuas, feto, mane no juventude.
Partisipante ne’ebé partisipa iha sosializasaun programa PNDS ne’e Administradór Munisípiu, Administradór Postu Administrativu, Diretor Delegasaun Territorial husi liña ministeriais, Sosiedade Sivíl nomos ekipa jestaun suku ne’ebé hala’o ninia kna’ar iha programa PNDS iha suku.
-
- Manuel da Silva, nu’udar apresentador, apresenta hela materia sosializasaun ba autoridade munisipiu, diretores linhas ministeriais ho lider komunitariu
-
- Duarte dos santos, hanesan protokolu informa hela agenda sosializasaun ba iha partisipantes
-
- Sosializasaun iha Munisipiu Ainaro
-
- Representante lina ministeriais sira fo intervensaun kona ba aprezentasaun ne’ebe hato’o husi ekipa tekniku PNDS
