Sekretariadu Tékniku Programa Nasionál Dezenvolvimentu Suku (ST-PNDS) realiza enkontru kordenasaun nasionál, iha salaun Enkontru Ministériu planeamentu e Investimentu Estratéjiku, iha Fatuhada-Dili (01-12-2015)
Diretora PNDS, Sra. Dulce Guterres Junior, lidera hela enkontru kordenasaun, iha Dili
Enkontru ne’e lidera direitamente husi Diretora PNDS, Sra. Dulce Guterres Junior, iha nia intervensaun diretora PNDS hatete katak:
“Enkontru ne’e realiza ho nia objetivu atu hato’o progresu implementasaun programa iha baze, planu servisu ba tinan 2016, nomós atu hametin liu tan liñas kordenasaun servisu iha implementasaun programa PNDS, tantu iha nivel nasionál, munisípiu, postu administrativu nomós iha suku hotu.”
Iha enkontru ne’e Kordenadór munisípiu ida-idak aprezenta progresu servisu ne’ebe atinji ona, husi aprezentasaun ne’e nota katak maioria husi progresu implementasaun Programa PNDS iha Munisípiu hotu ba implementasaun faze I suku (149) ninia progresu atinji ona 100% no agora komunidade utiliza ona, implementasaun ba faze II suku (91) ninia progresu maioria tama ona iha etapa enkontru akontabilidade final no blokeia konta bankária suku no ba implementasaun faze III Suku (202) foin hahú implementasaun (maioria progresu fíziku atinji 40%) no tama ona iha etapa enkontru akontabilidade 50% primeiru, iha tinan 2015-2016 faze I siklu II maioria tama ona iha etapa dezeñu BoQ ho asina akordu implementasaun programa.
Apresentasaun progresu global implementasaun programa PNDS ba tinan 2015, husi Xefe Departementu Implementasaun programa, sr. Marcio J. Marcal
iha enkontru ida ne’e alende koalia kona-ba progresu implementasaun programa PNDS iha Munisípiu halo mós apresentasaun kona-ba planu servisu ba iha tinan 2016 ninia husi Xefe Unidade Operasional Programa PNDS, Sr. Rosito Guterres nomós apresentasaun husi Xefe Departamentu Rekursu Humanu, Gina Braz kona-ba avaliasaun dezempeñu ba prestasaun servisu durante tinan ida ninia (2015) ba funsionáriu PNDS Nasionál, Munisípiu nomós postu Administrativu, inklui ho planu rekrutamentu funsionáriu PNDS ba tinan 2016.
Partisipante husi enkontru ne’e Kordenadór PNDS husi Munisípiu, Xefe Unidade, Xefe Departamentu, funsionáriu PNDS, nomós Assessor Internasional no nasionál, Ekipa Suporta Terrenu (Field Support Team (FST)) husi Ajensia Cardno ne’ebe durante ne’ebe fó apoiu ba implementasaun programa PNDS.
