Dulce Guterres Junior, nu’udar Kordenadora Jeral PNDS, fo hela introdusaun kona-ba formasaun kona-ba igualdade jéneru no inkluzaun sosiál iha implementasaun Programa PNDS
Sekretariadu Tékniku Programa Nasionál Dezenvolvimentu Suku (ST-PNDS) hala’o formasaun loron rua (2) ba vogál point Jéneru husi Munisípiu 12 ho Rejiaun Espesiál Oe-Cusse nomós Ekipa Jestaun Suku, kona-ba Jéneru no Inkluzaun sosiál (Dili, 28-29/09/2015).
Atividade ida ne’e ninia objetivu atu fó informasaun ba vogál point jender ninia oinsá atu bele minimiza dez-igualdade jéneru hodi atinji ba iha Igualdade jéneru liu husi polítika abordajen integradu jéneru hodi ajuda governu (estadu) integra perspetiva igualdade jéneru iha planu dezenvolvimentu no nia implementasaun.
Kordenadóra Jeral Programa PNDS, Dulce Guterres Junior hatete katak: “Programa ne’e hodi fó informasaun ba partisipante sira oinsá atu hakléan koñesimentu kona-ba igualdade jéneru no inkluzaun sosiál liu-liu ba planu estratéjia ho planu asaun ba jéneru ne’ebé sira rasik hala’o hodi bele hadi’a programa PNDS atu nune’e maluk feto sira bele partisipa barak liu iha prosesu tomak iha implementasaun programa PNDS iha nivel aldeia ho suku.
Pontu Vogal ba Jender, antusias tebes rona apresentasaun kona ba igualidade Jeneru no inkluzaun sosial husi oradores sira
Iha parte seluk, Laura Pina, nudar Enkarregadu Diretóra Fundasaun Patria, ne’ebé sai hanesan orador iha formasaun ne’e orgullu ba programa PNDS tanba iha programa ne’e fó importánsia bo’ot tebes ba envolvimentu maluk feto sira, liu-liu iha parte kapasitasaun ba feto sira hodi nune’e sira bele envolve ativu iha prosesu dezenvolvimentu nasaun.
Formasaun ida ne’e hetan entuziazmu tebes husi partisipante sira tanba iha prosesu diskusaun nia laran hetan ideia barak, no ideia hirak dezenvolve hamutuk hodi defini sai ba planu estratéjia no envolvimentu jéneru iha implementasaun Programa PNDS.
Total partisipante ne’ebé partisipa iha formasaun ne’e hamutuk ema 20 resin, alende pontu vokál 15 husi Munisípiu 12 ho Rejiaun Espesiál Oe-Cusse, inklui mós ekipa jestaun suku husi Munisipiu Baucau, Covalima ho Liquisa, nomós Kathy Richards, nu’udar reprezentante husi governu Australia, nomos partisipa reprejentante husi ministerio solidaridade
Dezenvolvimentu nasaun foun ida ne’e la’os responsabilidade ema ida ninia, maibé responsabilidade ita hotu ninia tantu ferik-katuas, foin sa’e, maluk feto sira inklui mós ita maluk sira ho defisiensia, ida ne’e mak prinsípiu
