Ekipa Konjunta Monitoriza, Verifika no Avalia Ezekusaun Orsamentu PNDS Iha Municipiu Ainaru no Manufahi

Aktividade Ekipa Avaliasaun iha suku Leolima, Postu Administrativu Hatudo, Munisipiu Ainaro

Ekipa konjunta ne’ebé kompostu husi Ministériu das Finansas no Sekretariado Tekniku Programa Nasionál Desenvolvimento Suku Hala’o monitorizasaun no avaliasaun Interna iha Munisípiu Ainaru no Manufahi (12-14/08/2015). Atividade nee lidera husi Koordenadora Geral e Diretora PNDS, Dulce Guterres Junior no Diretora Husi Ministériu das Finansas, Lidia Sousa Guterres.

Objektivo husi visita nee, atu monitoriza, avalia no verifika ezekusaun orsamentu ne’ebé governu aloka ba komunidade sira liu husi implementasaun programa PNDS atu nune’e komunidade sira bele ezekuta orsamentu ne’ebé aloka tuir mata dalan PNDS nian.

Kestaun ne’ebé ekipa verifika iha monitorizasaun nee mak foka liu kona-ba livru konta bankaria infraestrutura no livru konta bankaria operasional. Iha Verifikasaun livru konta bankaria infraestrutura no operasional ne’ebé ekipa verifika mak kupon pagamentu, resivo, koutasaun, kartaun identidade, insentivu ba ekipa EJS, cek orsamentu iha banku, brankas ka osan restu iha liman.

Aktividade Ekipa Avaliasaun iha suku Taitudak, Postu Administartivo Alas, Municipiu Manufahi

Wainhira hala’o visita iha Suku Uma Berloik Postu Administrativo Alas, Municipiu Manufahi Diretora Lidia Sousa Guterres husi Ministeriu das Finansas hateten aktividade ida nee atu monitoriza avalia no verifika regras ne’ebé komunidade uza hodi ezekuta orsamentu ne’ebé aloka husi governo liu husi programa PNDS, karik iha aktividade nee mak ekipa detekta failansu balun iha ezekusaun ne’ebé la tuir mata dalan PNDS, ekipa sei fo sai nian rejultado ne’ebé hanesan rekomendasaun atu hadi’ak liutan ezekusaun orsamentu PNDS ne’ebé komunidade sira gere iha futuru.

Tuir obrservasaun nota katak maioria suku hirak ne’ebé ekipa vijita hodi halo monitorizasaun no avaliasaun interna utulizasaun orsamentu tuir mata dalan implementasaun programa PNDS mesmu iha kestaun balun ne’ebé persija hadia.

Aktividade ekipa nee, iha Ainaru konsentra iha Suku tolu maka hanesan Suku Nunumoge no Suku Mulo partense husi postu Administrativo Hatubuilico, Suku Leolima Postu Administrativo Hatu-udu no iha Municipiu Manufahi konsentra iha Postu Administrativo Alas Suku hat maka hanesan Suku Uma Berloik, Aituha, Dotik, no Taitudak.

© Copyright 2015 Programa Nasional Dezenvolvimentu Suku