Koordenadora Jeral e Diretora PNDS halo Apresentasaun kona ba Prosedimentu no Regras Implementasaun PNDS Iha Enkontru Distribusaun Envelope Fiscal 2016.
Polítika implementasaun programa PNDS Ne’ebe aprezenta husi Koordinador Jeral e Diretór PNDS, Sra. Dulce Guterres Junior, ba Diretores Jerais, Diretor nasionais no Chefe Dep liñas Ministeriais iha enkontru distribuisaun envelope fiskál 2016, iha edifísiu Patrimóniu Estado, Balide-Dili (08/07/2015), ho intensaun atu informa ba Lina ministeriu hotu konaba politka implementasaun programa PNDS ho ninia Regras no Prosedimentus hotu tuir Regime Regulatoriu nebe maka defini ona.
Alem de ne’e Directora ne’e moos Akresenta liutan katak Programa ida ne’e responsabilidade Linas Ministeriu hotu maske lidera husi Ministeriu Administrasuan Estatal no Ministeriu financas Tanba defini oha iha dekretu lei no 1/2014 kona ba Komisaun Koordeasaun Inter-ministerial no Grupo Trablaho Tekniku Inter-Ministerial.
Entertantu Implementasaun programa PNDS ne’e hanesan Polítika governu nia ho nia objetivu atu aselera dezenvolvimentu komunitariu iha Teritoriu tomak Timor Leste no sai hanesan parte ida husi planu governu nian hodi atinji metas Planu Estratéjiku Dezenvolvimentu Nasionál (PEDN 2011-2030).
Iha tinan 2015, implementasaun programa PNDS sei Responsbiliza husi Ministeriu Planeamentu Investimentu Estratejiku no Ministeriu Administrasaun Estatal.
